زۆربه‌ی میدیاكانی به‌ریتانیا و ئه‌وروپا بڵاویانكردووه‌ته‌وه‌، نگۆلۆ كانتی و یانه‌ی چێڵسی گه‌یشتوونه‌ته‌ رێككه‌وتن و چاوه‌ڕێ ده‌كرێت هه‌فته‌ی داهاتوو گرێبه‌سته‌كه‌ واژوو بكه‌ن.

رۆژنامه‌كانی لیكیپی فڕه‌نسی، ته‌له‌گراف و تایمزی به‌ریتانی رایگه‌یاندووه‌، كانتی چڵسی هه‌ڵبژاردووه‌ بۆ ئه‌وه‌ی په‌یوه‌دنیی پێوه‌ بكات و ره‌تیكردووه‌ته‌وه‌ رووبكاته‌ ریزه‌كانی ریال مه‌دریدی ئیسپانی یان ئارسێناڵی ئینگلیزی.

میدیاكانی به‌ریتانیا پێشبینی ده‌كه‌ن له‌ چه‌ند رۆژی داهاتوو كانتی به‌رامبه‌ر 30 ملیۆن پاوه‌ند رووبكاته‌ بلووز، كه‌ ئه‌و یاریزانه‌ فڕه‌نسییه‌ وه‌رزی رابردوو له‌گه‌ڵ لیسته‌ر سیتی ئاستێكی به‌رزی پێشكه‌شكرد و له‌سه‌ر ئاستی هه‌ر پێنج خوله‌ به‌هێزه‌كه‌ی ئه‌وروپا، ئه‌و ناوه‌ڕاستكاره‌ خاوه‌نی زۆرترین پچڕاندنی تۆپ بوو.


hamataqana