رۆژنامەیەكی بەریتانی بڵاوی دەكاتەوە، رۆبن ڤان پێرسی هۆڵەندی و یاریزانی ئێستای یانەی فەنارباخچەی توركی نزیكە لە گەرانەوە بۆ خولی نایابی ئینگلیزی".

رۆژنامەی زەسەنی بەریتانی بڵاوی كردەوە هەردوو یانەی وێستهام یونایتد و كریستال پالاس بەبەهێزییەوە هاتوونەتە سەر هێڵ بۆ گواستنەوەی پێرسی و گەراندنەوەی بۆ خولی ئینگلیزی".

رۆبن وێرای ئەوەی لەماوەی (45) یاری رابردوو لەگەڵ یانەی فەنارباخچە (20) گۆڵی تۆماركردووە بەڵام راشكاوانە رایدەگەینێت ئەو دڵتەنگە و دەیەوێت بگەرێتەوە خولی ئینگلیزی".

ڤان پێرسی لە ساڵی (2004) لە یانەی فینۆردی هۆڵەندی رووی كردە یانەی ئەرسناڵ ، دواتر لە ساڵی (2012) لەلەندەنەوە رووی كردە مانچستەر یونایتد ، ئەمە پێش ئەوەی بڕیاری رۆیشتن بدات بۆ خولی توركی و یاریكردن بۆ یانەی فەنارباخچە".



hamataqana