دوای پێشکەش کردنی ئاستێکی ناوازە لەگەڵ یانەی یۆڤێنتۆس، (پاولۆ دیپالا) ئەستێرەی یانەی یۆڤێنتۆس گرێبەستێکی یانەی بارسای ڕەت کردەوە و ڕایگەیاند کە لەوساتە هەر لە یانەی خانمە پیرەکە یاری دەکات.
لەم باریەوە، گۆستاف ماسکاردی، سەرۆکی گروپی فرۆشتنی یاریزانە بیانییەکان لە خولی کاڵچیۆ بە ڕۆژنامەی (لاگازێتا دیلا سپۆرت)ی ڕاگەیاندووە، کە دیپالا گرێبەستێکی گران بەهای یانەی بارسێلۆنای ڕەت کردووەتەوە، هەروەها یاریزانەکە ئاشکرای کردووە کە لەو ساتە پێویستی بەوەیە زیاتر ئەزموون پەیدا بکات و هەر لەگەڵ یانەی یۆڤێنتۆس بمێنێتەوە.
سەبارەت بە داهاتووی دیپالا و ئەگەری مانەوەی بۆ ماوەیەکی درێژ لەگەڵ یۆڤی ، ماسکاردی گوتی” یاریزانێکی لاوی ئاست بەرزی وەک دیپالا لەبەر پێشکەش کردنی گرێبەستی خەیاڵی و گرابەها ئەستمەکە هەر لەو یانەیە بمێنێتەوە، بەڵام ئەوە پەیوەندی بە خواستی یاریزانەکە دەبێت”.
ئاشکرایە کە دیپالا لەوەرزی ئەمساڵ توانی 19 گۆڵی تۆمار کردووە، هەروەها 9 گۆڵێشی دروست کردووە، لە بۆسەی یاریزانانیش نرخی یاریزانەکە بە زیاتر لە 40 ملیۆن یۆرۆ مەزندە دەکرێت.