دیل بۆسکى راهێنەر ئیسپانیا هیواى بەسەرکەوتنى تیپەکەى هەیە بەسەر ئیتاڵیا لەجامى یۆرۆ.
لەکۆنفرانسێکى هەواڵیدا ڤیسێنتى دیل بۆسکى راهێنەرى هەڵبژاردەى ئیسپانیا ئاشکراى کرد، سەرسامبووە بەڕووبەڕووبونەوەى ئیتاڵیا لەقۆناغى 16دا و لەو باوەڕادانەبووە ئەو یاریە بەهێزە لەو قۆناغەدا ئەنجام بدەن.
دیل بۆسکى وتیشی: ئیتاڵیا شێوازى یاریکردنى گۆڕانکارى گەورەى بەسەر هاتووە و چیتر بەشێوازى بەرگری یارى ناکەن و هێڵى ناوەڕاستیشیان زۆر بەهێزە.
باسی لەوەش کرد: تیپەکەى ئامادەکارى تەواوى بۆ یاریەکەیان بەرامبەر ئیتاڵیا کردووە و باشترین پێکهاتە بۆ ئەو یاریەکە ئامادە دەکات.
راهێنەرکەى تەئکیدیشی کردەوە، چانسی سەرکەوتنى یەکێک لە دوو هەڵبژاردەکە بۆ قۆناغى چارەکى کۆتایى یەکسانە و هەردوو تیپەکە خاوەى چەندین یاریزانى بەتوانان و ئیسپانیاش باشترین ئاستى لەو یاریەدا پێشکەش دەکات.
ئیسپانیا و ئیتاڵیا لەقۆناغى 16ی جامى یۆرۆ رووبەرووى یەکبونەتەوە و یاریەکەش دووشەممە کاتژمێر حەوتى ئێوارە بەڕێوەدەچێت.