سەرچاوەیەکی نزیک لە یانەی پاریس سانجێرمانی فەرەنسی رایگەیاندووە، یانەی پاریس سانجێرمان هیچ گرنگییەک بەگواستنەوەی نەیمار داسیلڤا بۆ ریزەکانی نادات.

لە چەند رۆژی رابردوودا ناوی نەیمار بەچەند یانەیەکەوە بەستراوەتەوە و ئاماژە بەوەکراوە کە چەند یانەیەک ئامادەن بڕی هەڵوەشاندنەوەی گرێبەستی یاریزانەکە بدەن کە 200 ملیۆن یۆرۆیە.

رۆژنامەی سپۆرتی کەتەلۆنی لەسەرچاوەیەکی نزیک لە یانەی پاریس سانجێرمان رایگەیاندووە، هیچ شتێک لەنێوان پاریس سانجێرمان و نەیمار نییە.

رۆژنامەکە ئەوەشی راگەیاندووە، یانەی بارسێلۆنا و نەیمار داسیلڤا گەیشتوونەتە رێککەوتنی کۆتایی و ناوەراستی مانگی داهاتوو گرێبەستەکەی تاوەکو ساڵی 2021 نوێدەکرێتەوە.

ئاندرێس ئینێستای کاپتنی یانەکەش لەلێدوانێکی رۆژنامەڤانیدا مانەوەی یاریزانە بەرازیلییەکەی لەگەڵ یانەکە راگەیاندووە.





م