مینۆ رایۆلا، بەڕێوەبەری کارەکانی زلاتان ئیبراهیمۆڤیچ داهاتووی ئەو یاریزانەی ئاشکراکردووە و رایەگەیاندووە ئیبرا دەیەوێت لەیانەیەک بکات رکابەری گواردیۆلا بکات.

مینۆ رایۆلا بە رادیۆی مارکای ئیسپانیی راگەیاندووە، ئیبراهیمۆڤیچ دەیەوێت پەیوەندی بەیانەیەکەوە بکات رکابەری گواردیۆلا بێت بۆ ئەوەی تۆڵەی خۆی لەو راهێنەرەبکاتەوە.

ئیبراهیمۆڤیچ وەرزی 2009-2010 لەژێر سەرپەرشتی گواردیۆلا لە بارسێلۆنا یارییکرد بەڵام دوای تەنیا یەک وەرز ئەو یانەیەی بەجێهێشت.

رایۆلا ئاماژەی بەوەکردووە ئیبراهیمۆڤیچ گواردیۆلا وەک مرۆڤ خۆشدەوێت و پێی وایە ئەو راهێنەرێکی گەورەیە، بەڵام دژی بڕیارە تاکە کەسەکانییەتی.

ئەم لێدوانەی مینۆ رایۆلا لەکاتێکدایە کە سەرچاوە رۆژنامەوانییەکانی ئینگلتەرا رایانگەیاندووە ئیبرا لە مانچێستەر یونایتد نزیکە و دوای یۆرۆی2016 پەیوەندی بەو یانەیەوە دەکات.




م