لە حەوتەم یاری کۆتایی خولی باسکەی ئەمریکا, بەرەبەیانی ئەمرۆ ھەردوو یانەی کلیڤلاندکاڤالێرز و گۆلدن ستەیت رووبەرووی یەکتری بونەوە و کلیڤلاند توانی سەرکەوتن بەدەست بێنێت و بۆ جاری یەکەم ببێتە پاڵەوان.

ھەردوو یانە لە کاتێکدا رووبەرووی یەکتری بونەوە, پێشتر لە شەش یاریدا ھەریەکەیان خاوەن سێ سەرکەوتن بوون, بۆیە حەوتەم یاری چارەنوسی ئەم وەرزەی باسکەی ئەمریکای یەکلاییکردەوە, سەرەتا چارەکی یەکەم گۆلدن ستەیت توانیان سەرکەوتن بەدەست بێنن, بەڵام دواجار لە سێ سێتی کۆتایی یاریزانانی میوان بوون توانیان ئاستێکی باشتر نیشان بدەن و بە ئەنجامی ٩٣ خال بەرامبەر ٨٩ خال سەرکەوتن بەدەست بێنن.
بەم ئەنجامە, کلیڤلاند کاڤالێرز توانیان بۆ جاری یەکەم لە خولی باسکەی ئەمریکا ناسراو بە NBA ببن بە پاڵەوان.





م