یەكێتی تۆپی پێی عێراق،ئەمرۆ یەكشەممە بەفەرمی بریاری لێژنەی رێككاری پەسند كرد، سەبارەت بە سزادانی یانەی گازی باكوور و سەركەوتنی یانەی برایەتی بۆ چوار گۆشەی زێرینی خولەكە.
بریارەكانی یەكێتی تۆپی پێی عێراق بەمشێوەیە بو.
1- یانەی گازی باكوور بە ئەنجامی (3-0)گۆڵ بە دۆراو هەژمار دەكرێت بەرانبەر یانەی برایەتی.
2-سزادانی یاریزان (عودی شەهاب) بە بری (1.000.000) یەك ملیۆن دینار عێراقی و لەگەڵ ئاگاداری كۆتایی بە دووبارەنەكردنەوەی ئەم جۆرە كارانە.
3- راگرتنی یانەی گارە بۆ ماوەی یەك وەرز لە بەشداریكردن لە جامی عێراق لە وەرزی (2016-2017).
4- گەرانەوەی پارەی نارەازیی بۆ یانەی برایەتی.
بە پێی ئەندامێكی یەكێتی تۆپی پێی عێراق هۆكاری سزادانی یانەی گارە بۆ ئەوە دەگەرێتەوە، كە یانەی ناوبراو دوو نووسراوی ئاراستەی یانەی برایەتی و گازی باكوور كردووە، هەردوو نووسراوەكە بەشێوەیەك بووە و هەروەها كەمكردنەوەی سزای یاریزان (عودی شەهاب) لە راگرتن بۆ ماوەی یەك وەرز بۆ تەنیا سزای دارایی بۆ ئەوە دەگرێتەوە، كە نابراو سەردانی یەكێتی تۆپی پێی عێراق كرد و دانی بە هەڵەكەی خۆی دا بۆیە سزایەكەی كەمكرایەوە.
جێگەی باسە رۆژی سێشەممە كۆنگرەی هونەری بۆ خولی چوار گۆشەی زێرینی خولی پلە یەكی عێراق ئەنجامدرا.
رێبین رەمزی