نرخی تکت بۆ یاریی حەوتەم لە فایناڵی خولی باسکەی ئەمریکا کە بڕیارە بەرەبەیانی ڕۆژی دووشەممە ئەنجام بدرێت، ژمارەیەکی پێوانەی دەشکێنێت.

هەردوو یانەی گۆلدن ستەیت واریۆرز و کلیڤلاند کاڤالێرز لەشەش یاریی ڕابردوودا یەکی سێ سەرکەوتنیان بەدەستهێنا و یەکلاکردنەوەی نازناوەکەیان بۆ یاریی حەوتەم دواخست کە بڕیارە شاری ئۆکلاند میوانداری بکات.

بەپێی هەواڵێکی ئاژانسی AFP، تکتی ڕیزی پێشەوەی ئەو یارییە بەبڕی ٤٩ هەزار و ٥٠٠ دۆلار فرۆشراوە، بەوەش ژمارەی پێوانەیی پێشووی شکاندووە کە ٣٧ هەزار بووەو لە یاریی کۆتایی ساڵی ٢٠٠٨ نێوان لۆس ئەنجلۆس لیکەرز و بۆستن سێلتیکدا فرۆشراوە.

ئەگەر یانەی کلیڤلاند کاڤالێرز سەرکەوتوو بێت لەو یارییەدا، ئەوا دەبێتە یەکەم یانە لە مێژووی ئەمریکادا لە ئەنجامی ٣-١ بگەڕێتەوەو سێ سەرکەوتنی یەک لەدوای یەک بەدەست بێنێت و نازناوەکە ببات.




م