راپۆرتی رۆژنامەی دەیلی ستاری ئینگلیزی، ئەوەی ئاشكرای كردووە، كە گفتوگۆی نێوان یانەی مانچستەر یونایتد و ڤاڵێنسیا دەستی پێ كردووە، بۆ ئەوەی یاریزانی پێشووی بەنفیكا و ئێستەی یانەی ڤاڵێنسیا (ئەندریە گۆمێز) ببەنە ریزەكان مان یونایتدەوە، ئەوەیش لەسەر داوای مۆرینهۆیە، بەو پێیە (گۆمێز) لە وەرزی رابردوو ئاستێكی بەرزی لەگەڵ ڤاڵێنسیا پێشكەش كرد.

رۆژنامەكە ئاشكرای كردووە، كە یانەی مانچستەر دەیەوێت بۆندێكی گەورەی 35 ملیۆن جونەیهی ئیستەرلینی پێشكەشی ڤاڵێنسیا بكات، لەگەڵ 12 ملیۆنی تر بە شێوەی پادداشت، ئەوەیش بۆ دەستخستنی ئەو یاریزانە 23 ساڵانەیە.

لەلایەكی ترەوە، رۆژنامەی دەیلی ئێكسپرێس، ئاماژەی بەوە كردووە، مۆرینهۆ پێشنیازی ئەوەی خستووەتە بەردەم یانە تازەكەی، تا بۆندێكی ئاڵوگۆڕی جێبەجێ بكەن و (ماتا) بەو یاریزانە بگۆڕنەوە، كە پێشووتر خۆیشی لە ڤاڵێنسیا بوو، هاوكات بڕەپارەیەكیش بە ڤاڵێنسیا بدرێت. ماتا لە وەرزی 2013/2014ـدا ئەوكاتەی لەژێر سەرپەرشتی مۆرینهۆدا بوو لە چێڵسی، نەیتوانی شوێنی خۆی لە پێكهاتەی سەرەكیدا بكاتەوە، لەبەر ئەوە هەر زوو لە زستانی 2014 چێڵسی جێ هێشت و چووە مانچستەر.





م