وا بریارە ئەمرۆ هەینی كاتژمێر 8ی ئێوارە بە كاتی كوردستان هەڵبژاردەی كوردستان رووبەرووی هەڵبژاردەی ئەرمینیای رۆژئاوا ببێتەوە، بەمەبەستی پۆلینكردنی هەڵبژاردەكان لە پلەكانی پێتجەم تا هەشتەم لە دووەمین پاڵەوانێتی كۆنیفا 2016.
دوێنی پێنجشەممە لە قۆناغی هەشتەم هەڵبژاردەی كوردستان بەرانبەر هەڵبژاردەی پادانیا بە لێدانی یەكلاكەرەوەی سزا تووشی دۆران هات و ماڵئاوایی لەسەر بە دەستهێنانی نازناوەی پاڵەوانێتیەكە كرد، لە بەرانبەردا هەڵبژاردەی ئەرمینیای رۆژئاوا تووشی دۆران هات لە بەرانبەر هەڵبژاردەی پەنجاب بە ئەنجامی (3-2)گۆڵ.
براوەی ئەم یارییە لەگەڵ براوەی یاری نێوان هەردوو هەڵبژاردەی ساپمی و كۆریای یەكگرتووە یاری دەكات بۆ دەستنیشانكردنی پلەی پێنجەم و شەشەم
دۆراوەی یاری كوردستان و ئەرمینیای رۆژئاوا لەگەڵ دۆراوی یاری نێوان هەردوو هەڵبژاردەی ساپمی و كۆریای یەكگرتووە دەكات بۆ دەستنیشانكردنی پلەی حەفتەم و هەشتەم
لە لایەكی ترەوە یارییەكانی پۆلینكردنی پلەكانی نۆیەم تا 12یەم بەردەوامە، كە ئەنجامەكان بەمشێوەیە بوو.
یاریكردن لەسەر پلەی نۆیەم و دەیەم
سۆماڵیا لاند - سیزیكلاند كاتژمێر 3ی ئێوارە بە كاتی كوردستان
یاریكردن لەسەر پلەی یازدە و دوازە
هەڵبژاردەی ریتیا توانی پلەی یازدەهەیەم بە دەستبهێنێت دوای ئەوەی توانی لە هەڵبژاردەی دوورگەكانی جاكوس بباتەوە، كاتی یاسایی یارییەكە بە ئەنجامی (1-1) گۆڵ تەواو بوو و بە لێدانی یەكلاكەرەوەی سزا هەڵبژاردەی ریتیا بە ئەنجامی (5-4)گۆڵ بردەوە، بەم ئەنجامە هەڵبژاردەی دوورگەكانی جاكوس پلەی 12یەم و كۆتایی ریزبەندی دووەمین پاڵەوانێتی كۆنیفا بە دەستهێنا.
رێبین رەمزی