پێكان و كێشه‌ی دادگای ئیسپانیا رێگری ده‌كه‌ن له‌ به‌شداریی لیۆنێل میسی له‌یه‌كه‌م یاریی له‌گه‌ڵ هه‌ڵبژارده‌كه‌ی ئه‌رجه‌نتین به‌رامبه‌ر به‌ چیلی.



به‌ گوێره‌ی سه‌رچاوه‌ هه‌واڵیه‌كان میسی به‌هۆی ئه‌و پێكانه‌ی له‌یاری دۆستانه‌ی ئه‌رجه‌نتین و هیندۆراس دووچاری بوو هێشتا چاك نه‌بۆته‌وه‌ و له‌لایه‌ن پزیشكه‌كانی هه‌ڵبژارده‌كه‌شیه‌وه‌ به‌رنامه‌ی ئاماده‌كاریی بۆ ده‌كرێت بۆ ئه‌وه‌ی به‌ زووترین كات له‌پێكانه‌كه‌ی چاكبێـته‌وه‌ .



هه‌روه‌ها میسی له‌ ئێستادا له‌به‌رشه‌لۆنه‌یه‌ بۆ ئاماده‌بوونی له‌به‌رده‌م دادگا بۆ ئه‌وه‌ی لێكۆڵینه‌وه‌ی له‌گه‌ڵ بكرێت به‌هۆی ئه‌وه‌ی تۆمه‌تی خۆدزینه‌وه‌ی له‌ باج دراوه‌ته‌ پاڵ و ئه‌وه‌ش زیاتر واده‌كات ئه‌و یاریزانه‌ له‌یاریی یه‌كه‌می ئه‌رجه‌نتین له‌به‌رامبه‌ر چیلی له‌پاڵه‌وانێتی كوپا ئه‌مریكا ئاماده‌ نه‌بێت .



ئه‌رجه‌نتین له‌یاریه‌كانی پاڵه‌وانێتی كوپا ئه‌مریكا له‌گه‌ڵ چیلی و په‌نه‌ماو بۆلیڤیا له‌ كۆمه‌ڵه‌ی چواره‌مدا رووبه‌رووی یه‌ك ده‌بنه‌وه‌ .







م