رۆژی شەممە لە یاریگەی دینامۆ لە شاری سۆخۆمی پایتەختی هەرێمی ئەبخازیا بەفەرمی ئاهەنگی كردنەوەی دووەمین پاڵەوانێتی كۆنیفا بۆ هەرێمەكان بەرێوەچوو، وا بریارە رۆژی یەكشەممە سێ یاری ئەنجام بدرێت.
دەستەی ناوبژیوانانی كوردستان بەشداری لە بەرێوەبردنی یارییەكانی ئەم پاڵەوانێتیە دەكەن، كاتێك لە كاتژمێر 8ی شەو بە كاتی كوردستان یاری نێوان هەردوو هەڵبژاردەی ئەبخازیا میواندار و هەڵبژاردەی دوورگەكانی جاكوس بەرێوە دەبن.
میللەت جەمال نێردراوی لێژنەی رۆژنامەنووسانی وەرزشی كوردستان لە لێدوانێكی تایبەتدا گوتی: وا بریارە ناوبژیوانانی كوردستان یاری نێوان هەردوو هەڵبژاردەی ئەبخازیا و دووورگەكانی جاكۆس ئەنجام بدرێت و ستافەكەش بریتیە لە ناوبژیوانی ناوەراست لەبیب حەبیب و دارا جەلال یاریدەدەری یەكەم و سەفین قادر یاریدەدەری دووەم و محەمەد حەسەن ناوبژیوانی چوارەم.
هەر لەم یارییە لێژنەی میوانداری پاڵەوانێتیەكە جعفەر فەهیم وەكو سەرپەرشتیاری یارییەكە دەستنیشانكراوە.
جێگەی باسە دووەمین پاڵەوانێتی كۆتیفا لە بەشداریكردنی 12 هەرێم ئەنجام دەدرێت و بەسەر چوار كۆمەڵە دابەشكراون.
رێبین رەمزی