وا بریارە رۆژی شەممە 28ی ئەم مانگە بەفەرمی یارییەكانی دووەمین پاڵەوانێتی كۆنیفا بۆ هەرێمەكان لە هەرێمی ئەبخازیا دەست پێ بكات بە بەشداریكردنی 12 هەرێم بەسەر چوار كۆمەڵە دابەش كراون، هەڵبژاردەی ساپمی لە كۆمەڵەی چوارەم شانبەشانی هەڵبژاردەكانی پەنجاب و سۆمالیا یاری دەكات.
هەرێمی ساپمی دەكەوێتە نێوان چوار وڵات ئەوەیش هەریەكە لە وڵاتانی (فنلندا و رووسیا و نەرویج و سوید)، بەفەرمی یەكێتی تۆپی پێی ساپمی لە ساڵی 2003 دامەزرا، بەڵام هەڵبژاردەی ساپمی بوونی هەبوو و لە ساڵی 1995 دامەزرا و یەكەم یاری نێودەوڵەتی خۆی لەگەڵ دوورگەكانی ئیسلەندا ئەنجامدا و یارییەكەی بە ئەنجامی (4-2)گۆڵ دۆرا، گەورەترین سەركەوتنی هەڵبژاردەی ساپمی لە ساڵی 2006 بوو كاتێك بە ئەنجامی (21-1)گۆڵ لە هەڵبژاردەی مۆناكۆی بردەوە، گەورەترین دۆراندنی هەڵبژاردەی ساپمی لە ساڵی 1987 بوو، بەرانبەر هەڵبژاردەی ئۆڵۆمپی ئەڵمانیای رۆژئاوا بوو و بەئەنجامی (6-0) گۆڵ دۆرا.
هەڵبژاردەی ساپمی لە یەكەم پاڵەوانێتی كۆنیفا ئەنجامەكانی وەكو پێویست نەبوو كاتێك پلەی دەیەمی بە دەستهێنا، بەڵام لە دووەمین پاڵەوانێتی كۆنیفا هەڵبژاردەكە چاوی لە ئەنجامی باشترە و ئێستا سوود لەو یاریزانانە وەردەگرێت، كە لە خولەكانی فنلندا و نەرویج و سوید یاری دەكەن.
هەڵبژاردەی ساپمی لە پۆلینی 21ی یەكێتی تۆپی پێی كۆنیفا بۆ هەرێمەكان دێت.
لەم پاڵەوانێتیە ساپمی بە درێسی سپی و سوور یاری دەكات.
رێبین رەمزی