كەمێك پێش ئێستا لە بارەگای یەكێتی تۆپی پێی كوردستان باشترین یاریزان و گۆڵپارێز لە خولی نایابی فاست لینكی كوردستان ئاشكرا كرا، بە پێی دەنگدانی رۆژنامەنووسانی وەرزشی لەسەر ئاستی كوردستان بەشداریان لە بەبینی یارییەكانی خولی ئەم وەرزی نایابی كوردستانیان كرد.
بە پێی دەنگدانی رۆژنامەنووسان یاریزانی یانەی ئارارات (عەلی عەزیز) بە باشترین یاریزانی خولەكە دەستنیشانكرا و گۆڵپارێزی یانەی هەولێر (رێباز عەبدوڵڵا) بەباشترین گۆڵپارێز دەستنیشانكرا.
عەلی عەزیز لەم وەرزدا ئاستێكی نموونەیی پێشكەش كرد و توانی لەم وەرزە 8 گۆڵ تۆماربكات و گۆڵپارێز رێباز عەبدوڵڵا بووە جێگەی سەرنجی هەموو چاودێرانی وەرزشی كوردستان بەهۆی ئاست بەرزەكەی، كە لەگەڵ یانەی هەولێر پێشكەشی كرد.
بەفەرمیش فەرحان شكور یاریزانی یانەی هەولێر بووە گۆڵكاری خولەكە بە تۆماركردنی 9 گۆڵ، هەرچەندە یاریزان فەرحان شكور هەلەیەكی باشی لە بەردەم مایە بۆ ئەوەی بتوانی رێژەی گۆڵەكانی زیاد بكات دواین یاری خولەكە، كاتێك هەردوو یانەی هەولێر و پێشمەرگەی هەولێر رووبەرووی یەكتر دەبنەوە.رێبین رەمزی