لە وەرزی ئەمساڵی خولی نایابی فۆكسی عێراق ناوبژیوانانی یارییەكان تووشی هەڵەی گەورە بوون لە زۆربەی یارییەكان بە تایبەتی یارییەكانی یانەی هەولێر، لە لێدوانێكیدا سائێر ئەحمەد راهێنەری یانەی هەولێر گوتی: ناوبژیوانان لە یارییەكانی وەرزی ئەمساڵدا لایەنگری ئەو یانانە دەكەن، كە خاوەن پێگەی جەماوەرین بە تایبەتی یانەكانی شاری بەغداد، وەكو قوە جویە و شورتە و تەڵەبە و زەورا، هۆكارەكەشی بۆ ئەوە دەگرێتەوە، كە یەكێتی تۆپی پێی عێراق ناتوانێت ژیانی ئەوان بپارێزێت.
لە درێژەی قسەكانیدا سائیر ئەحمەد گوتی: زۆربەی یارییەكان، كە یانەكان خاوەن پێگەی جەماوەری نینە لەگەڵ ئەم یانانە بریاری سەیر و گومان لێكراو دەدرێت، چونكە یانە بچووكەكان خاوەن جەماوەر نینە بۆیە تووشی گرفت نابن، بەڵام ئەگەر ئەم جۆرە بریارانە لە بەرانبەر تیپە خاوەن جەماوەرییەكان بدرێت، ئەوە بە دڵنیایەوە تووشی گرفت دەبن.
لە كۆتایی قسەكانیدا سائیر ئەحمەد گوتی: یانەی هەولێر چوار یاری چارەنووسازی ماوە، ئەگەر چاوی لە سەركەوتن بێت، دەبێت بە لایەنی كەم 9 تا 10 خاڵ بە دەستبهێنێت بۆ ئەوەی سەركەوێت بۆ قۆناغی دووەم و كۆتایی خولەكە.
رێبین رەمزی