ئەمرۆ یەكشەممە لە هۆڵی كۆنگرەكانی یانەی هەولێر هەڵبژاردن بۆ یەكێتی تۆپی پێی عێراق لقی هەولێر ئەنجامدرا، بە ئامادەبوونی لێژنەی سەرپەرشتیار، كە پێكهاتبوو لە عەبدولخالق مەسعود سەرۆكی یەكێتی تۆپی پێی عێراق و سەفین كانەبی سەرۆكی یەكێتی تۆپی پێی كوردستان و قەیس محەمەد پارێزەر و بەرپرسی هۆبەی یاسایی یەكێتی تۆپی پێی عێراق.
لەم هەڵبژاردەنە دەستەی گشتی یەكێتی تۆپی پێی عێراق لقی هەولێر لە 11 كەس پێكهاتبوو بەمشێوەیە:
1- یانەی هەولێر، 2- یانەی پێشمەرگەی هەولێر، 3- یانەی ئارارات، 4- یانەی برایەتی، 5- یانەی بروسك، 6- یانەی هەندرێن، 7- سامی محەمەد نوێنەری یاری فۆتسال، 8- سید محەمەد نوێنەری ناوبژیوانان، 9- سیروان سەلمان شارەزا، 10- بروسك كانەبی شارەزا، 11- عومەر مەجید خاوەن بروانامەی راهێنەرایەتی A ئاسیوی.
لەم هەڵبژاردنە ركابەری لەسەری پێنج پۆست دەكرا.
ئەنجامی هەڵبژاردنەكە بەمشێوەیە بوو.
1- تاریق عەبدولرەحمان سەرۆكی یەكێتی تۆپی پێی لقی هەولێر 11 دەنگ
2- بروسك كانەبی جێگری سەرۆكی یەكێتی تۆپی پێی عێراق 11 دەنگ
3- سیروان سەلمان ئەمینداری دارایی 11 دەنگ
4- محەمەد خۆشناۆ سكرتێر 11 دەنگ
5- فاروق خدر 9 دەنگ
جێگەی باسە لەم هەڵبژاردنە هەریەكە لە جەلال پەریشان و نەوزاد حەمەد، كە ئەندامی پێشووی ئەم یەكێتیە بوون خۆیان بۆ ئەندامیتی یەكێتیەكە پالێوراو نەكردووە.
رێبین رەمزی