دوای ئەوەی یەكێتی تۆپی بالەی عێراق بڕیاری دا 12 یانە بەشداربووەكەی خولی نایابی عێراق بەسەر سێ كۆمەڵە دابەش بكات، كە پێكهاتبوو لە كۆمەڵەی هەولێر و بەسرە و بەغداد، لە هەردوو كۆمەڵەی هەولێر و بەسرە یەك یانە سەردەكەوێت پاشان لە كۆمەڵەی بەغداد دوو یانە سەردەكەوێت، پاشان چوار یانە سەركەوتووەكە یارییەكان بەشێوازی خول بە یەك قۆناغ ئەنجام دەدەن دواتر دوو یانە بۆ خولی بژاردەی عێراق بۆ تۆپی بالە سەردەكەوێت.
لە كۆمەڵەی هەولێر یارییەكانی قۆناغی یەكەم تەواو بوو، كە تیاییدا هەر سێ یانەی هەولێر و هێرش و مقدادیە بەشداریان كردووە و یانەی هەولێر بە كۆكردنەوەی 5 خاڵ لە پلەی یەكەمی بە دەستهێنا و یانەی هێرش بە كۆكردنەوەی 4 خاڵ پلەی دووەمی بە دەستهێنا و یانەی مقدادیە بە بێ خاڵ لە پلەی سێیەم دێت.
ئەنجامی یارییەكانی قۆناغی یەكەم بەمشێوەیە بوو.
هەولێر - هێرش 3-2 گێم
هەولێر - مقدادیە 3-0 گێم بەهۆی تەواونەكردنی یارییەكە لە لایەن یانەی مقدادیە
هێرش - مقدادیە 3-1 گێم
وا بریارە رۆژی یەكشەممە لە هۆڵی داخراوی شەهید فرەنسۆ هەریری یارییەكانی قۆناغی دووەم دەست پێ بكات و یارییەكانیش كاتژمێر 3ی ئێوارە ئەنجام دەدرێت.
رێبین رەمزی