دوای ئەوەی راهێنەری گۆلپارێزی پێشمەرگەی هەولێر عەبدولخالق مەحمود بەهۆی دوورخستنەوەی لە لایەن ناوبژیوانی یارییەکە ئومێد مستەفا، هێرشی کردە سەر ناوبژیوان بەقسەی دوور لە گیانی وەرزشی و دەستدرێژی کردن.
ئەمەش بووە هۆکاری تەواونەکردنی یارییەکە، کاتێک ئەنجامی یارییەکە بە گۆلێک یەکسانبوون و بڕیاری کۆتاییان بۆ کۆبوونەوەی یەکێتی تۆپی پێی کوردستان جێهێشت.
لەمباریەوە نیهاد عادل جێگری سەرۆکی یانەی پێشمەرگەی هەولێر لەمبارییەوە گووتی: داوای لێبوردن لە هەموو لایەک دەکەین، ئەمە رووداوێکی نەخوازراوە، ئێمە پابەندی بڕیارییەکانی یەکێتی تۆپی پێی کوردستان دەبین.
لە درێژەی قسەکانیدا نیهاد عادل گووتی: دوای یارییەکە راستەوخۆ دەستەی کارگێری یانەکە کۆبوونەوەی خۆی ئەنجامدا، بریارمان دا بە دوورخستنەوەی راهێنەری گۆلپارێز عەبدولخالق مەحمود لە تیپەکە بەشێوەی کۆتایی.
رێبین رەمزی
فۆتۆ: قەیس وەیس