یاریزانی پێشوویی هەڵبژاردەی ئیتاڵی فابیۆ کاناڤاڕۆ ڕوونی کردەوە کە ئەمشەو هاندەری یانەی ناپۆلی دەبێت لە بەرامبەر یانەی یۆڤانتۆس کە هەردووکیان کێبڕکێ لەسەر نازناوی ئەم وەرزەی سکودێتۆ دەکەن.



کاناڤاڕۆ کە سەرەتایی ژیانی وەرزشی لەگەڵ ناپۆلی دەستپێکرد بەر لەوەی بگوازرێتەوە بۆ یۆڤانتۆس و لەوێش نازناوەکان بەدەست بهێنێت،لە لێدوانێکیدا بۆ ڕۆژنامەی لاگازێتا دێلۆ سپۆڕت ووتی :

ئەم یارییە یەکلاکەرەوە نابێن بەڵام زانیاری وردمان پێ دەدات بۆ داهاتوو،ئامادەکارییەکانی ئانتۆنیۆ کۆنتی و ۆاڵتێر مازاری نهێنین و تا یارییەکە کەس پێی نازانێت،من هیچ پێشبینی ناکەم چونکە لەو شوێنەدا نیم،من ڕێزێکی بێ پایان ـم هەیە بۆ یوڤێ کە زۆر شتی پێ بەخشیم،بەڵام دڵم خوازیاری شوێنی کۆنە،من ناپۆلیتان ـم و ناپلێس لە دڵی مندایە چونکە ئەو شوێنەیە کە من تیادا مەزن بوویمە.