كورد هاوشێوەی هەموو نەتەوەكانی دیكەیە و شتێكی كەمتر نییە تا پێناسەی نەتەوەیی و شوناسی خۆی نەكات، بۆیە پێویستە نەك تەنیا لە ئاستی نەتەوەكانی وڵاتان، بەڵكو كەلتووری خۆمان لە سەرووی ئەوانیش دابنێن. كراس و بەدلەی بووك لە هەموو جیهاندا ناسراوە و لە شێوەی كراسی عەزی وایە، ئێستا گەنجان و كچان و خانمانی كورد دەتوانن لە جیاتی كراسی بووكی بیانی، جلوبەرگی بووك و زاوای كوردەواری لەبەر بكەن. هەر بۆیە دیزاینەر وبەرگدروو (ئەسعەد خەیات) بیرۆكەی ئامادەكردنی جلوبەرگی بووك و زاوای داناوە و ئێستاش چەندین نموونەی جلی بووك و زاوای ئامادەكردووە و كچان و كوڕانیش بۆ رۆژی ئاهەنگ و زەماوەندیان پۆشیویانە، كراسی بووكە خان لە دوو بەش پێكهاتووە، كراس و كەوای درێژە، هاوشێوەی جلی ستانداردی بووكی بیانییە، بەڵام سیمایەكی كوردەواری پێوە دیارە، هەروەها لە بری تاجینەی سەرەوە، كڵاوی كوردەواری جێگەی گرتۆتەوە، جلی زاواش بریتییە لە رانك و چۆغە و لاساییكەرەوەی جلوبەرگی پێشووی پیاوانی رۆشنبیر و ناودارانی كوردە، كە بەشی پێشەوەی لە شێوەی چاكێتی بیانی وەرگیراوە، ئەو جۆرە جلوبەرگەی بووك و زاوا، نەوەك تەنیا بۆ رۆژانی ئاهەنگ، بەڵكو دەكرێ لە رۆژانی دیكەشدا لەبەر بكرێت، جلێكی بووكی كوردەواری نزیكەی (300) هەزاری پێویستە، بەڵام تەنیا كرێی جلی بووكێنی بیانی نێوان (300 تا700) دۆلارە، هەروەها كڕینیشی دەگاتە نێوان (10 تا 15) وەرەقە.