لەگەڵ هاتنی وەرزی جوانی بەهار، شێوازەكانی كەرەستە و كەل و پەل و جل و بەرگ، لە شێوە و رەنگ وجۆر بەرەو گۆڕانكاری دەچن، ئەوانەی پێشوو باویان نامێنێ و شێوازە تازەكان دەكەونە بەر دید و سەرنجی خانمان، لە وەرزی رابردووی زستاندا، خانمان زیاتر پووت و پێڵاوی گەرم و گوڕیان لە پێ دەكرد، بە پێچەوانەوە لە وەرزی بەهاردا ئەو شێوازانە باویان نامێنێت، بەڵكو شێوازی دیكە دەبێ لە پێی خانماندا بن، جگە لەوەش پلەكانی گەرماش بەرەو فێنكی دەچن و بەمەش ناكرێ ئەو پێڵاوانەی لە پێشوودا لەپێی دەكرا هەمان مۆدی ئێستا بن، ماركەی دیۆری فەڕەنسی لە تازەترین مۆدی پێڵاو بۆ وەرزی بەهار شێوازێكی تازەی هێناوەتە كایەوە، لە (دیۆرریسانس – Dioressence) دروست كراوە، پاژنە بەرزە و شێوەی پێشەوەی تیژ و نووك باریكە، لە تاكە رەنگێكە و خانمانی سەربەست كردووە لەوەی چ جۆرە رەنگێك هەڵدەبژێرن، شێوەی ئەو پێڵاوە، كەوانەییە پێ و پشتە پێ بە جوانی دەردەخەن، دەتوانی ئەمجۆرە پێڵاوە بۆ ئاهەنگ و زەماوەند و شوێنی دەوام و گەشت و سەیران و زانكۆش لەپێ بكەیت، بەڵام بۆ دەرچوون و دەرەوە نابێت چونكە بەهۆی پاژنە بەرزەكەیەوە ماندووت دەكەن.
