خەون و ئارەزووی هەموو ئافرەتێكە، تا پێستی بە جوانی و ناسكی و سرووشتی خۆی بمێنێت، هەردەم رووخسار و دەست و مەچەكی نەرم و نیان بێت، زۆربەی خانمانیش هەوڵ بۆ ئەو هەنگاوانە دەدەن، بەڵام زۆر جار بەو ئامانجە ناگەن و لە جوانی پێستی خۆیان ناڕازین. رەنگە ئەوەش بەهۆی ئەو هەڵانەوە بێت كە رۆژانە ئەنجامی دەدەن، پێستیان تووشی نەشیاوی و شێواندان دەبێتەوە، چونكە چەندین هەنگاوی هەڵە هەن كە نەرمی پێستی رووخسار و دەست و مەچەك تێكدەدەن، هەر وەكو پسپۆری جوانكاری (كایا سكۆت) باسی ئەو هەنگاوانە دەكات، واباشە ئاشنایان بیت و دووبارەیان نەكەیتەوە:
- ئەو كاتەی نیازت وایە گەرماوێك بكەیت، هەندێ جاریش پلەی ئاوی خۆشۆردنەكە زۆرە و بەمەش تەنیا بۆ جەستە باشە، واچاكە لەو كاتەدا دەم و چاوت بپارێزیت و بە هەمان ئاو پێستی رووخسارت نەشۆیت یان بەر كاریگەری ئەو ئاوە گەرمە نەكەوێت.
- لە شوێنی زۆر گەرم دامەنیشە و مەوەستە، ئەگەر هەستت كرد شوێنەكە داخراوە و پلەی گەرما لەوێ زۆرە، هەوڵبدە بۆ چەند خولەكێك شوێنەكەت بگۆڕیت.
- زۆربەی خانمان بەر لە نووستن دەم و چاویان ناشۆن، ئەمەش گەورەترین كاریگەری لەسەر پێستی رووخسار هەیە، پێویستە شەوانە بەر لە خەوتن، بە ئاوی شلەتێن دەم و چاو بشۆردرێت.
- ئاگاداری ئەو ئاوە بە كە بەر دەم و چاوت دەكەوێت، رەنگە ئاوەكە پیس بێت یان بۆ ماوەیەكی زۆر مابێتەوە، بۆیە سەرەتا هەوڵدە ئاوەكە لە نێو بەرداخێكدا بكە و سەیری بكە و بۆت دەردەكەوێت كە چۆنە.
- مەهێڵە بە هیچ شێوەیەك شامپۆ و بەلسەم و كەرەستەكانی پرچ بەر پێستی رووخسارت بكەوێت، لەو كاتەی پرچت دەشۆی، چاكترە سەرت نزم بكەیت یان پرچت بهێنیتە پێشەوە و تا شامپۆ و ئاوی پرچت بە رووخسارت نەكەوێت.
- كاتێك دەم و چاوت دەشۆیت، هەوڵدە بۆ ماوەی زیاتر لە (5) خولەك پێوەی خەریك بیت، نەوەك هەر تەنیا ئاوێكی پێیدا بكەیت و وازی لێبهێنیت، بەڵكو بە جوانی ئاو بە رووخسارت دا بكە.