وەكو پسپۆڕان دەڵێن رەگەزی مێینە، هەر جل و پۆشاكێك لەبەر بكات، جلەكە جوان دەكات، یان جلەكە ئەو سەرنجڕاكێش دەكات، خانمانیش لە بەردەم ئەو هەموو چەشنە جلەوە سەرلێشێواو دەبن تەنانەت هەندێ جاریش شەرم دەكەن جۆرە جلێك لەبەر بكەن، وەك دەگوترێ جلی وەرزشی ئافرەتان، سەرنجڕاكێش و جوانە، لە كاتی وەرزشكردن و هەروەها دەتوانی ئەو جلە بۆ ماڵەوە و جار جارە بۆ دەرەوەش لەبەری بكەیت، بۆ ئەوانەش كە بەیانیان، یان هەر كاتێك نیازی وەرزشكردنیان دەبێ، خۆ ناكرێ بە جلێكی نەشازەوە بچنە گۆڕەپانی غاردان و هۆڵەكانی وەرزش، با لەوێش هەردەم جوان بن. چەندین جۆرە جلی وەرزشی هەن، گرنگترین لایەن لەو جلەدا، دەبێ تەسك و بۆدی بێت، تا هەموو جەستەت بگرێت و لە كاتی مەشق و راهێنانیشدا بێزارت نەكات، لێرەوە ئاشنای ئەو جلانە بە كە لە كاتی مەشقكردن لەبەر دەكرێ :
- تیشێریت: گرنگترین جلی وەرزشە، بەم جلە نەبێ وەرزشەكەت بۆ ناچێتە سەر، ماركەیەكی بە ناوبانگی جوانكاری و وەرزشی بە ناوی (ئۆشۆ – Oysho)، چەندین جۆرە جلی جۆراوجۆری بڵاوكردۆتەوە بۆ ئەوانەی نیازیان وایە لە كاتی وەرزشیدا شۆخ و شەنگ بن.
- چاكێت: دوای ئەوەی تیشێرتی بۆدی لە ژێرەوە لەبەر دەكەیت، واباشە چاكێتێكی نەرم و پەموو لەسەر بۆدیەكە لەبەر بكەیت، تا زیاتر گەرم بیتەوە و نەوەك لە دوای مەشق ئارقە بكەیت و تووشی سەرما بیت.
- پانتۆڵ: بەشێكی سەرەكییە لە جلی وەرزش، دەكرێ ئەو پانتۆڵە كە تراكسووت و كیلۆت و كۆلۆن لە خۆ دەگرن، لەبەر بكەیت، چونكە ئەو بەشەی جل، بێزارت ناكات و نەرم و توند دەبێ لەسەر جەستە، هەروەك ماركەی (تاتی- Tati) چەندین پانتۆڵی دیزاین كردووە.
- بلووز: جار جارەش دەتوانی لەسەر تیشێرتەكە و لە ژێر چاكێت، بلووزێكی نەرم و گەرم لەبەر بكەیت، كە هەم سەرنجڕاكێشە هەمیش گەرم و گوڕە بۆ لەبەركردن.
- پێڵاو: مەرجە لە كاتی وەرزشكردندا، پێڵاوێكی تەندرووست و نەرمت لە پێی بێت، تا لە كاتی جوولەكردن و رۆیشتندا، بە راحەتی و بە خۆشی وەرزەكەشت بكەیت، ماركەی (لویس فیلتۆن) جوانترین پێڵاوی وەرزشی بۆ خانمان ئامادە كردووە.
- كەرەستەی دیكە: چەندین كەرەستەی دیكە هەن كە جوان و پێویستن، بەتایبەت جلی ژێرەوە كە بێزارت نەكات و تووشی عەرەقە كردنت نەكات، هەروەها گۆرەوییەكی تەنك لەپێ بكە، تا پێیەكانت تووشی كێشە و گرفت نەبنەوە.