ماوەیەکە کۆمپانیاى مەرسیدس جۆرە ترێلەیەک تاقیدەکاتەوە کە شۆفێرى ناوێت و بە کۆمپیوتەر بە ڕێگادا دەڕوات.

ئەمجۆرە ترێلانەش ئێستا لە شەقام و ئۆتۆبانەکانى ئەمریکا دەبینرێن، بەڵام لە ئەڵمانیا لە چەند هەفتەى داهاتوودا مۆڵەتى لێخوڕین لەسەر ئۆتۆبان وەردەگیرێت.

تاقیکردنەوەکەش لەپێشدا لە هەرێمێکدا دەبێت و پاشان لە سەرتاسەرى ئەڵمانیا لە شەقامەکاندا دەبن. ڤۆلفگانگ بێرنهاردى بەڕێوەبەرى کۆمپانیاکە وتى "لە سەدا ٩٧ى ڕووداوەکانى هاتووچۆ هەڵەى مرۆڤە."

ئەم جۆرە ترێلانەش ئەم هەوڵانە ناهێڵن و دڵنیایی دەبەخشن، بەڵام بە یەکجارى دەست لە مرۆڤ هەڵناگیرێت و دەبێ بۆ کۆنترۆڵکردنى کۆمپیوتەرەکە شۆفێرێک لە ترێلەکەدا دانیشێت، بەڵام لێناخوڕێت.