له‌ لێكۆڵینه‌وه‌یه‌كی ئه‌مریكیدا كه‌ به‌م دواییه‌ له‌ رۆژنامه‌ی"ده‌یلی مه‌یلی"دا بڵاوكراوه‌ته‌وه‌ تیایدا باس له‌ دانانی برژه‌نگی ده‌ستكرد كراوه‌ كه‌ له‌لایه‌ن زۆرێك له‌ خانمانه‌وه‌ به‌كارده‌هێنرێت ،هاوكات جه‌ختیان له‌سه‌ر مه‌ترسی به‌كارهێنانی ئه‌وجۆره‌ برژه‌نگانه‌ كردۆته‌وه‌ .

لێكۆڵینه‌وه‌كه‌ كه‌ له‌لایه‌ن كۆمه‌لێك توێژه‌ر له‌ په‌یمانگای "جۆرجیا بۆ ته‌كنه‌لۆجیا"له‌ ئه‌تله‌نتا كراوه‌ دوركه‌وتوه‌ برژه‌نگی سروشتی كه‌ ده‌وری پێڵوه‌كانی چاوی داوه‌ ده‌بێته‌ هۆی كه‌مكردنه‌وه‌ی لێشاوی هه‌وای ده‌ره‌وه‌ بۆچاو و پاراستنی له‌ تۆز و خۆڵ به‌ڵام ئه‌م كرداره‌ له‌ برژه‌نگی ده‌ستكرددا به‌ته‌واوی پێچه‌وانه‌یه‌ چونكه‌ برژه‌نگی ده‌ستكرد برێكی زۆر له‌ هه‌وا ده‌كاته‌ ناوچاو كه‌ برێكی زۆرله‌ تۆزی هه‌ڵگرتووه‌ و ده‌بێته‌ هۆی وشكبوونی چاو.

توێژه‌ران جه‌ختیان له‌سه‌ر ئه‌وه‌ كردۆته‌وه‌ برژه‌نگی ده‌ستكرد پارێزگاری له‌چاو ناكات كه‌ ئه‌مه‌ش كارده‌كاته‌سه‌ر بینایی چاو و توشبوون به‌ نابینای بۆماوه‌یه‌كی زۆر.