خانمان هەردەم پێویستیان بە كەرەستەكانی جوانكاری دەبێت، تا بتوانن ماكیاژێكی جوانیان بۆ روخساریان هەبێت، هەر بۆیە هەموو ئەو كەرەستانەی هەیانە، دەتوانن بە رێگەی دروست بەكاریان بهێنن، بەتایبەت ئەو كەرەستانەی بۆ ماكیاژی دەم و چاو بەكاردێن، لێرەدا باس لە چۆنیەتی بەكارهێنانی كۆنسیلەری دەم و چاو، كە گرنگە خانمان بزانن چۆن ئەو كەرەستەیە لە روخساریان دەدەن:
- هەوڵبدە هەردەم رەنگی كۆنسیلەر لە رەنگی پێستت كراوەتر و زەقتر بێت، تا جیاوازی لە ماكیاژەكەتدا بكات، وا چاكە نمرەی كۆنسیلەرت زیاتر بێت لە نمرەی رەنگی پێست.
- هەمیشە كۆنسیلەری توند بەكاربهێنە، تا خانەكانی پێستت پڕ بكاتەوە و هەروەها بۆ داپۆشینی پەڵەی رەش و وردە خاڵی دەم و چاو.
- كاتێك دەتەوێت كۆنسیلەر بكڕیت، سەرەتا لە فرۆشگاكە تاقی بكەوە و بزانە چۆنە، ئەگەر بە دڵت بوو ئینجا بیكڕە، نەوەك دواتر پەشیمان بیتەوە.
- سەرەتا دەبێت كۆنسیلەر بە خاڵ خاڵ لە نزیك چاوەكانت دابنێت، پاشان خاڵێك لەلای چێوە ژوورەوەی چاوت بسووە، دواتر بە پەنجەكانت، یان بە فڵچە پەرتی بكە.
- دەتوانی كۆنسیلەر لە لە گەردەن و روومەت و چەناگەشت بدەیت، تەنیا بۆ دەوروبەری چاوەكان نییە، هەروەها دەتوانیت لە لێواری لێویشت بدەیت.
- سەرەتای دەست پێكردنت بە لێدانی كۆنسیلەر وا باشە كە سەرەتا دەم و چاوت پاك بكەیتەوە، دواتر كرێمێكی تەڕ بەكاربهێنە تا پێستت لە شەق بوون و قلێشەوە بە دوور بێت، لە كۆتاییدا كۆنسیلەر بەكاربهێنە.
- تا كۆنسیلەرەكەت بە جوانی لە دەم و چاوت بدەیت، سەرەتا كۆنسیلەرەكە تێكەڵ بكە و بیهەژێنە تا بە جوانی تێكەڵ دەبێت پاشان بۆ ماوەی (2) خولەك بوەستە و دواتر لە دەم و چاوت بدە.