بە هەر رێگەیەك هاوسەرەكەت هەڵبژاردووە، بە خۆشەویستی بێت، یان بە رێككەوت، دەبێ پارێزگاری لە پەیوەندیی هاوسەریی نێوانتان بكەن، چونكە دەگوترێ: خۆشەویستی لە دوای هاوسەرگیری دەست پێدەكات، بەڵام ئەوە دەكەوێتە ئەستۆی هەردوولا كە تا چەند دەتوانن كێشە و گرفتیان لەگەڵ هاوسەردا چارە بكەن، دەتوانن سوود لەم چەند زانیارییەی خوارەوە وەربگرن تا بتوانن كێشەكانتان لەگەڵ هاوسەر چارەسەر بكەن:
- گوێ لە یەكتر بگرن: هەندێ جار كێشەیەكی سادە هەیە، بەڵام بەهۆی ئەوەی گوێ لە یەكتر ناگرن، كێشەكە گەورە دەبێت و چارەسەری نابێ، بۆیە دەبێ گوێ لە گلەیی و قسەی یەكتر بگرن.
- رێز لە هەستی یەكتر: گرنگترین شت ئەوەیە لە نێوان هاوسەراندا، كە رێز لە هەست و خواستی یەكتر بگرن و بتوانن چۆن لە یەكتر تێبگەن.
- یەكەمین گرنگیت بێت: هەوڵبدە هەردەم هاوسەركەت یەكەمین و گرنگترین بێت لەلات، لە سەرووی هەموو بەرژەوەندییەكاندا دایبنێ.
- هەستی خۆشەویستی: وا چاكە زوو زوو هەست و دڵتان بۆ یەكتر بكەنەوە و خۆشەویستی بۆ یەكتر دەرببڕن.
- سڵاوی بەیانیان گرنگە و شەوشادی شەوانەش جێگەی بەختەوەری دەبێتن و كێشەكان سووك دەكات.
- لە كاتی كێشە و گرفتدا، هەوڵبدەن یەكێكتان ئارام بێت كە ئەوەی دیكە تووڕە بێت.