كاتێك دەتەوێت ئێكسسوارەكانت هەڵبژێری، هەمیشە بیر لە شتە ورد و بچووكەكان دەكەیتەوە، وەك گوارە و ئەنگوستیلە و ملوانكە، كەچی گرنگترین ئێكسسوار بەڵكو سەرەكیترین ئێكسسوار لە بیر دەكەی، بۆیە بە ئێكسسواری سەرەكی ناسراوە، چونكە سەرەكییە و دەبێ هەردەم هاوەڵت بێت و هەرچی كەرەستەی پێویستە لەناوی دادەنێت، ئەو كەرەستە سەرەكییە جەنتای دەستە، مەرجێكی سەرەكی لەلایەن پسپۆرانی جوانكاری دانراوە ئاخۆ خانمان چۆن جەنتای دەست هەڵدەبژێرن، كە لەم حاڵەتانەدا دەتوانین روونی بكەینەوە :
- جەنتای شێوە ورد و بچووك، بۆ ئەو خانمان و كچانەیە كە جەستەیان پڕە و گەورەن، چونكە تا چەند لەش و لاریان گەورە بێت، بەڵام وردی جەنتاكە لەگەڵ جەستەیان دەگونجێت.
- جەنتای شێوە ناوەند، ئەو كچانەی جەستە و لەش و لاریان نە قەڵەوە و نە وردە، هەموو كچێك لەش و لاری خۆی دەناسێت لە گەورە و وردیدا، هەربۆیە بە دەست هەڵگرتنی جەنتایەكی لەم جۆرە لەگەڵ شێوەیان رێك دەبێت.
- جەنتای گەورە، ئەو كچانەی وردن و لەش و لاریان پڕە، دەتوانن ئەو جۆرە جەنتایە لە دەست هەڵبگرن، چونكە دیمەنی جەنتاكە مایەی سەرنجە و ئیدی زیاتر لایەنی بەرامبەر سەرنج ناداتە لەش و لارت.
- ئەو كچانەی دەستیان درێژە، كە وا هەست دەكەن لە چاو دەستەخوشك و هاوەڵەكانیان دەستیان درێژترە، وا جوانە جەنتایەكی بچووك بە دەستەوە هەڵبگرن، ئەوانەشی دەستیان ورد و كورتە، چاكترە جەنتایەكی گەورە بەدەستەوە هەڵبگرن.