ماوەیەكە سەرما و سۆڵە نەك تەنیا كوردستان، بەڵكو هەموو جیهانیشی گرتۆتەوە، رەنگە ئێمە بەرگەی ئەو سەرمایە بگرێن، بەڵام هەندێك خەڵكانی وڵاتانی دیكە، بەرگەی نەگرن، ئەوەتا لە وڵاتی چین، لی زۆفانگ بیرۆكەیەكی سەیری هەیە تا بەرگەی ئەو سەرمایە ببێتەوە كاتێك لە نێو ئوتۆمبێلەكەی دەبێت، كارەكەشی بریتییە لە دانانی سۆپایەك بچووك لە نێو ئوتۆمبێلەكەیدا، بە قسەی خۆی كە گەرمی ناو ئوتۆمبێلەكەی كار ناكات و ئیدی بەو سۆپایە خۆی گەرم دەكاتەوە.
