"دۆناڵد ترامپ" كاندیدی كۆمارییه‌كان بۆ هه‌ڵبژاردنی سه‌رۆكایه‌تی ئه‌مریكا، ڕه‌خنه‌ی توند ئاراسته‌ی سیاسه‌تی بازرگانی كۆماری چین ده‌كات و به‌گه‌وره‌ترین دزی له‌مێژووی جیهاندا تۆمه‌تباری ده‌كات.

ترامب له‌ناو حه‌شاماتێك له‌ لایه‌نگرانی له‌ویلایه‌تی ئیندیانادا، گوتی: " چین به‌رپرسیاره‌ له‌گه‌وره‌ترین دزیی له‌مێژووی جیهاندا".

به‌رده‌وام ترامب ڕه‌خنه‌ی ئه‌وه‌ی له‌ چین گرتووه‌ كه‌ یاری به‌دراوه‌كه‌ی ده‌كات، به‌جۆرێك كاڵاكانی توانای ڕكابه‌رییان هه‌بێت، ئه‌و پێی وایه‌ ئه‌و سیاسه‌ته‌ زیان له‌كۆمپانیاكان و فه‌رمانبه‌رانی ئه‌مریكا ده‌دات.

ترامب گوتیشی: " ئێمه‌ ناتوانین به‌رده‌وام بین له‌سه‌ر ئه‌وه‌ی چین وڵاته‌كه‌مان داگیربكات، ئێستا كار له‌سه‌ر ئه‌وه‌ ده‌كه‌ین".

هه‌روه‌ها گوتی: " ئه‌و بارودۆخه‌ ده‌گۆڕین، كارتی پێویستمان هه‌یه‌ بۆ ئه‌وه‌ی ئه‌و دۆخه‌ بگۆڕین، ئه‌وه‌تان له‌بیر نه‌چێت".

جگه‌له‌وه‌ش گوتی: "ئه‌مریكا هه‌ژمونی زۆری هه‌یه‌ له‌به‌رانبه‌ر چیندا كارایان بكات".