چه‌ند سه‌رچاوه‌یه‌كى ئه‌منیى ئه‌مه‌ریكى و بریتانى ئاشكرایان كرد به‌ڵگه‌ى ئه‌وه‌ له‌به‌رده‌سته‌ كه‌ ئاماژه‌وه‌ به‌وه‌ ده‌كه‌ن تێكشكانى فرۆكه‌ ڕووسییه‌كه‌ له‌ ئاسمانى ناوچه‌ى سینا له‌ میسر به‌ هۆى ته‌قینه‌وه‌ى بۆمبێكى چێنراو بووه‌ له‌ ناو فڕۆكه‌كه‌ كه‌ پێده‌چێت رێكخراوى تیرۆریستى داعش ئه‌نجامى دابێت .

به‌ڵام به‌رپرسه‌كان ئاماژه‌یان به‌وه‌ داوه‌ كه‌ نه‌گه‌یشتوونه‌ته‌ ئه‌نجامى كۆتایى لێكۆڵینه‌وه‌ سه‌باره‌ت به‌ ڕووداوه‌كه‌ . جێى باسه‌ رۆژى شه‌ممه‌ى رابردوو فرۆكه‌یه‌كى ڕووسى به‌ 224 سه‌رنشینه‌وه‌ له‌ ئاسمانى ناوچه‌ى سینا له‌ میسر كه‌وته‌ خواره‌وه‌ و تێكشكا .

هه‌روه‌ها دوێنێش له‌ نزیك فرۆكه‌خانه‌ى جوباى پایته‌ختى باشوورى سودان فرۆكه‌یه‌كى دیكه‌ى ڕووى كه‌وته‌ خواره‌وه‌ و به‌پێى ئاماره‌كان، زیاتر له‌ چل كه‌س گیانیان له‌ده‌ستدا .