بەرپرسێکی باڵای ویلایەتە یەکگرتووەکانی ئەمریکا بە ئاژانسی هەواڵی سی ئێن ئێن-ی وڵاتەکەی راگەیاند، کە مۆسکۆ و واشنتۆن لە سەروبەندی واژۆکردنی گرێبەستێکی سەربازیدان.

لە دوای کۆتاییهاتنی سێیەم دانیشتنی وەفدی هەردوو وڵات و تاوتوێکردنی هێرشی فڕۆکە جەنگییەکانی هاوپەیمانان و روسیا، پنتاگۆن بەیاننامەیەکی بڵاوکردەوە و تیایدا ئاماژە دەکات بە لێکتێگەشتنێکی تەواو.

هۆکاری واژۆکردنی ئەم گرێبەستە، پاراستن و دابینکردنی سەلامەتیی هێرشی فڕۆکە جەنگییەکانی روسیا و هاوپەیمانانە لە ئاسمانی سوریادا، تاکو هێرشەکان بە ئاگاداری ئەو دوو لایەنە ئەنجامبدرێن و هیچ هەڵەیەک روونەدات.

بۆ ئەم مەبەستەش دوینێ چوارشەممە 14ی تشرینی یەکەم، سێیەم کۆبوونەوەی وەفدی هەردوو وڵات لەڕێی "ڤیدیۆ کۆنفڕانسەوە" کۆتاییهات.

دوای تەواوبوونی کۆبوونەوەکە، وەزارەتی بەرگریی روسیا بەیاننامەیەکی بڵاوکردەوە و تیایدا باس لە نزیکبوونەوەی واشنتۆن و مۆسکۆ دەکات.












خەندان