عەلی حەیدەر کۆنجا، وەزیری کاروباری یەکێتی ئەوروپا و موسلیم دۆغان، وەزیری پەرەپێدان لە حکومەتی هەڵبژاردنی تورکیا، دەستیان لەکارکێشایەوە.

بڕیارە هەردوو وەزیر دوای کەمێکی دیکە کۆنگرەیەکی رۆژنامەڤانی سازبکەن و هۆکاری دەستلەکارکێشانەوەیان روونبکەنەوە.

هەواڵی دەستلەکارکێشانەوەی دوو وەزیرەکەی هەدەپە لەکاتێکدابوو كە کابینەی حکومەتی تورکیا لە کۆبوونەوەدابوو.

حکومەتی هەڵبژاردن لە تورکیا لە11 وەزیری ئاکپارتی و دوو وەزیری هەدەپە و توغروڵ تورکێش لە مەهەپە پێکهاتبوو، وەزیرەکانی دیکە کەسانی سەربەخۆن.

تاوەکو دووبارە ئەنجامدانەوەی هەڵبژاردن لە 1-11-2015 ، ئەم حکومەتە کاروباری وڵاتی تورکیا بەڕێوەدەبات.










رووداو