دوای ئه‌وه‌ی پارتى سیریزا له‌ هه‌ڵبژاردنى یۆنان سه‌ركه‌وتنی به‌ده‌ستهێنا ئه‌لیكیسیس تسیبراس سه‌رۆكى ئه‌و حزبه‌ و سه‌رۆك وه‌زیرانی یۆنان خۆشحاڵی خۆی به‌ ئه‌نجامه‌كانی هه‌ڵبژاردن راگه‌یاند كه‌ به‌ پێى دوا ئامارى ئه‌نجامه‌كان، پارتى سیریزا نزیكه‌ی 35 له‌ سه‌دای كورسیه‌كانی په‌رله‌مانی به‌ ده‌ستهێناوه‌ به‌رامبه‌ر به‌ 28 له‌ سه‌دا بۆ پارتى دیموكراتی نوێ .

تسیبراس رایگه‌یاند كه‌ هاووڵاتیانی یۆنان وته‌ی خۆیان گوت و سه‌لماندیان ئه‌و قۆناغه‌ ئابوورییه‌ى یۆنان پێیدا تێپه‌ڕ ده‌بێت، پێویستی به‌ هه‌وڵی جددیی هه‌موو لایه‌ك هه‌یه‌ .

ئه‌لیكیسیس تسیبراس سه‌رۆكى پارتى سیریزا له‌ وته‌یه‌كیدا له‌ به‌رده‌م جه‌ماوه‌رى پارته‌ه‌كى رایگه‌یاند كه‌ هه‌وڵ ده‌ده‌ن حكومه‌تێكی ئیئتیلافی نوێ به‌ هه‌ماهه‌نگی له‌گه‌ڵ هاوپه‌یمانه‌كه‌یدا پارتى یۆنانی سه‌ربه‌خۆ پێك بهێنێت . هاوكات پارتى دیموكراتی نوێش دانی به‌ شكستهێنان له‌و هه‌ڵبژاردنه‌دا نا .