فرۆکەکانی هاوپەیمانی عەرەبی باڵەخانەی وەزارەتی بەرگری یەمەنیان لە سەنعای پایتەخت بۆردوومانکرد.

ئەو بۆردوومانە دوای رووداوی کوژرانی 45 سەربازی ئیماراتی دێت لەیەمەن، و دوای رووداوەکە فڕۆکەکانی هاوپەیمانی عەرەبی دەستیانکردووە بە بۆردوومانی چڕی حوسییەکان و لایەنگرانی عەلی عەبدوڵڵا ساڵح.

رۆژی هەینی 4-9-2015 بەهۆی تەقینەوەیەک لە کۆگایەکی چەک و تەقەمەنی لە یەمەن، 45 سەربازی ئیماراتی کوژران.

فەرماندەی گشتی هێزە چەکدارەکانی ئیماراتیش هەواڵەکەی پشتڕاستکردەوە و رایگەیاند "لە تەقینەوەکەدا 45 چەکداری ئیماراتی سەر بە هێزەکانی هاوپەیمانی عەرەبی لە یەمەن کوژراون".

عەبدە ئەلحوزەیفی، وەزیری ناوخۆی یەمەن رایگەیاند" تەقینەوەکە بەهۆی هەڵە کۆکرنەوەی تەقەمەنی و چەکەکان بووە لە کۆگاکەدا".

هێزەکانی هاوپەیمانی عەرەبی و هێزی نیشتمانی یەمەنی، کە هەزارن سەربازن و بەمەبەستی گرتنەوە سەنعای پایتەختی یەمەن لە سەربازگەی سافر نیشتەجێکراون.














رووداو