پارێزەرێكی كوڕەكەی قەزافی باس لەوە دەكات، ئەگەر بێتو سەیفولئیسلام دادگایی بكرێ، ئەوا سزای لە سێدارەدانی بەسەردا دەسەپێنرێت.

بە پێی هەواڵی كەناڵی ڕووسیا ئەلیۆم، \"جان جۆنز\"" پارێزەری سەیفولئیسلام قەزافی گوتی: دادگاییكردنی سەیف بە مانای سزای لە سێدارەدانە و، بە هیچ شێوەیەك ناتوانێ لە دەست یاسا رزگاری بێت، چونكە بە شێوەیەكی دادپەروەرانە دادگایی ناكرێت.

جان جۆنز لە بەردەوامی قسەكانیدا گوتی: سزای سەیف دیارە و، پێویست بە دادگاییش ناكات، ئەو دادگاییكردنە پلانێكە بۆ شاردنەوەی ڕاستییەكان و، سەیف ناتوانێ بەرگری لەخۆی بكات، هەر بۆیەیش چاوەڕوانی لەسێدارەدانی دەكرێ

پارێزەرەكەی قەزافی گوتی: سەیف ئێستا ژیانی زۆر تاڵە و، لە زیندانیشدا بەوپەڕی نادادپەروەرانە هەڵسوكەوتی لەگەڵ دەكرێت.

شایەنی باسە دادگای نێودەوڵەتی زۆرجار داوای كردووە، سەیفولئیسلام لای ئەوان دادگایی بكرێ، كەچی ترابلیس ڕازی نەبووە."