جێگری سه‌رۆك وه‌زیرانی ئیسرائیل داوا له‌ ئه‌مریكاو وڵاتانی خۆرئاوایی ده‌كات كه‌ سزاكان بۆ سه‌ر ئێران قورستر بكه‌ن.

شایۆل مۆفاز جێگری سه‌رۆك وه‌زیرانی ئیسرائیل له‌ میانه‌ی دیدارێكیدا له‌گه‌ڵ هیلاری كلینتۆن وه‌زیری ده‌ره‌وه‌ی ئه‌مریكا رایگه‌یاند: پاش ئه‌وه‌ی كه‌ كۆبوونه‌وه‌كانی مۆسكۆ بۆ چاره‌سه‌ركردنی دۆسیه‌ی ئه‌تۆمی ئێران هیچ ده‌ستكه‌وتێكی نه‌بوو، له‌ ئیًستادا ده‌بێت ئه‌مریكاو وڵاتانی رۆژئاوایی ئابلوقه‌و بایكۆته‌كانی خۆیان بۆ سه‌ر ئێران زیاترو قورستر بكه‌ن.

وتیشی: پێویسته‌ له‌ ئێستادا سزا ئابوورییه‌كان بۆ سه‌ر تاران زیاتر بكرێت و سزای تریش له‌به‌رچاو بگیردرێت و هه‌موو ئه‌گه‌ره‌كانی تریش به‌ وردی تاووتوێبكرێن.

شایۆل مۆفاز جێگری سه‌رۆك وه‌زیرانی ئیسرائیل ئاماژه‌ی به‌وه‌شكرد كه‌ دوایین پلان له‌ باره‌ی ئێرانه‌وه‌ هێرشی سه‌ربازییه‌.