دواى ئه‌وه‌ى بۆ ماوه‌ى چه‌ند رِۆژێك ژماره‌یه‌ك ناوچه‌ى وڵاتى به‌ریتانیا بارگرژى به‌خۆیه‌وه‌ بینى، پۆلیسى ئه‌و وڵاته‌ توانى كۆنترِۆڵى رِه‌وشه‌كه‌ بكات و بارودۆخى به‌ریتانیا ئارام بكاته‌وه‌.

\"دیڤید كامیرۆن\"" سه‌رۆك وه‌زیرانى به‌ریتانیا رِایگه‌یاند: هێزێكى زۆری پۆلیسمان له‌ له‌نده‌ن و شاره‌كانى دیكه‌ بڵاوه‌پێكردوه‌ به‌مه‌به‌ستى كۆنترِۆڵ كردنى بارودۆخى به‌ریتانیا و رِێگرى كردن له‌و ئاڵۆزیانه‌ى به‌ریتانیا به‌خۆیه‌وه‌ بینی.

سه‌رۆك وه‌زیرانى به‌ریتانیا ئاماژه‌ى به‌وه‌كرد كه‌ له‌كاتی پێویستدا سوپا به‌شدارى ده‌كات بۆ رِێگرى كردن له‌ ئاڵۆزیه‌كان و گێرِانه‌وه‌ى ئارامى بۆ له‌نده‌ن و شاره‌كانى دیكه‌ى به‌ریتانیا، ئه‌گه‌ر پێویست بكات.

به‌پێى سه‌رچاوه‌ پزیشكیه‌كان له‌ماوه‌ى چه‌ند رِۆژى رِابردودا به‌هۆى ئه‌و شه‌پۆله‌ نارِه‌زاییانه‌ى له‌و وڵاته‌ سه‌رى هه‌ڵدا 5 كه‌س گیانیان له‌ده‌ستداوه‌ و به‌ده‌یان كه‌سی دیكه‌ش برینداربون، ئه‌مه‌ جگه‌ له‌ ده‌ستگیركردنى زیاتر له‌ هه‌زار كه‌س له‌لایه‌ن هێزه‌كانى پۆلیسه‌وه‌."