ئاشکرایە ، ئەرکى راگەیاندن پیشەیەکى زۆر گرنگ و پیرۆز تا ئەو کاتەى خزمەت بە بەرژوەندەییەک باڵاکانى نەتەوە و نیشتیمانەکەى بکات ، پێچەواکەشى دەبێتە چەک و ئامرازێکى ئاسان ومەترسیدار بۆ بەرژوەندى نەیاران و داگیرکەران، ئەمڕۆ ڕاگەیاندن ، گرنگە زۆر بە هوشیارییەوە مامەڵە بکات و نەبێتە چاوساغ و ڕێنیشاندەرى بۆ دوژمنانى گەلى کورد ، پێوەستە بەرژوەندییە باڵاکانى گەل و نیشتمانەکەى پێش هەموو بەرژوەندییەکى دیکە بخات و بە شێوەیەک ، ڕێگە نەدا ناحەزان بیکەنە ئامرازێک بۆ جێبەجێکردنى مەرامەکیانیان و گرنگە لە خەمى خەڵک و بەرژوەندى وڵاتەکەیان ئەرک وبەرپرسیاریەتییەکانیان جێبەجێ بکەن
ئەرک و میدیا و دەزگەکانى راگەیاندن زۆر هەستیارو بەرپرسیارانەیە، ئەویش بەڕێگە ڕەچاوگرتنى هەلومەرجى ئاسایش و کۆمەڵایەتى و سیاسەتى نابێت هەرگیز کار بۆ ڕووخاندنى بارى دەروونى و بێ هیوایی وڕەشبینى و زیان بە پیرۆزى و سیمبوڵ و مێژووییەکانى نەتەوەکەى بکات ، بەڵکو هەمیشە دەبێتە کار بۆ بەرزکردنى بەها نیشتیمانى و هەستە دروونیەیکانى خەڵک بکات ، خۆى لە هەوڵى چەواشەکارانە و بێ بنەما و دروستکراویی نەیارانى کورد بە دوور بگرێت ، هەروەها شەڕى دەروونى و پەیوەست بە ژیانى رۆژانەى خەڵک نەکات ، دەبێ دەزگەکانى راگەیاندن ئەرک و بەرپرسیاریەتییەکانیان لە چوارچێوەى بەرژوەندییەکانى خەڵکى کوردستان بێت و خۆیان لە هەموو بەرژوەندییەکى تەسکى حزبى و کەسى بەدوور بگرێت
ئەرک و بەرپرسیاریەتى ڕاگەیاندن لە هەموو جیهان پەیوەستە بە ئاسایشى نەتەوەیی و نیشتیمانى و بەرژوەندییەباڵاکانى خەڵک و کۆمەڵگەوە و نابێت بە هیچ شێوەیەک لێیان دوور بکەوێتەوە ، دەبێتە هەواڵ و راپۆرتەکان بەشێوەیەکى راست و دروست بگەێنێت ، پێوست ناکات ببێتە وەڕگێر بۆ هەندێک هەواڵ کە تەنها خزمەت بە داگیرکەر و نەیارانى کوردوکوردستان دەکات ، چونکە ئەرکى میدیا هوشیار و وریاکردنى خەڵک و بەرزکردنەوەى ورەى خەڵکە ، نابێت کاریگەرى میدیا بۆ شکاندنى ئیرادە و ورە و بیروباوەرە نیشتمانی و پیرۆزەکانى بێت ، بۆیە لە هەر کۆمەڵگەیەکى هوشیار و پێشکەوتوودا ، راگەیاندن ڕۆڵێکى گرنگ و کاریگەرى هەیە لە دروستکردنى هوشیارى گشتى ، پاراستنى سەقامگیرى و ئارامیی کۆمەڵایەتى و گەیاندنى ڕاستییەکان بە خەڵک ، بەدڵنییاییەوە ئەرکى ڕاگەیاندن تەنها بڵاوکردنەوەى هەواڵ و کۆکردنەوەى لایک و کۆمێنێت نییە ، بەڵکو بەرپرسیاریەتییەکى گەورەیە
لە کاتە سەخت و پڕ کێشەکانەدا ، ئەو ئەرک و بەرپرسیاریەتییە زیاتر پڕ بایەختر دەبێت ، لەو کاتانەى کە گەل و نیشتیمانەکەت پێوستیان بە هەواڵ و زانیارى راست و متمانە پێکراوە و دەبێت ، راگەیاندن خۆیان لەهەموو هەواڵێک کە پەیوەندییان بە تێکدانى بارى دەروونى خەڵک هەیە ، بەدوور بگڕن و ببنە هۆى ئارامى و ئاسوودەیی خەڵک و نەک ترس و بێ متمانەیی
ئەوەى جێگەى هەڵوەستەکردنە چەند ساڵێکە لە نێو ئەو سەقامگیرى و ئازادى و دیموکراسییەتەى کە لە کوردستان بوونى هەیە ، هەندێک دەزگەى راگەیاندن و میدیایی نەک هەر لە ئەرک و بەرپرسیاریەتى نەتەوەیی و نیشتیمانییەکان لایانداوە و، بەڵکو بوونەتە ئامراز و چەکێکى مەترسیدار بە دەست نەیارانى کورد بۆ دروستکردنى هەواڵى چەواشەکارانە و بێ متمانەیی و هاندانى خەڵک بۆ کارى تێکدەرانە و شێواندنى ئاسایشى کۆمەڵایەتى ، ئەویش بەڕێگەى وروژاندنى هەندێک هەواڵ و راپۆرتى چەواشەکارانە و درۆ و بەڵام کاریگەر بۆ ئەوەى زیان بە ئاسایشى نەتەوەیی و نیشتیمانى لە قۆناغە هەستیارەکان بگەێنێت ، ئەوەش تەنها دوژمنانى کوردستانى لێ سوودەمەند دەبێت
قۆناغى ئێستاى دۆزى کورد زۆر گرنگ و هەستیارە ، وەک میدیایی کوردى دەبێت پابەندى بەها پیشەیی و ڕەوشتبەرزى و لە خزمەت نەتەوە ونیشتیمانەکەى دابێت و خۆى لە شەڕى دەروونى و بانگەشەى ناڕاست و هەر جۆرە هەواڵێک و هەوڵێک بۆ تێکدانى ئارامى و سەقامگیرى کوردستان بەدوور بگرێت ، چونکە کوردستان پێوستى بە میدیایی چەواشەکار و گەوجێنەر و تابوورى پێنجەم نییە ، بەڵکو راگەیاندن دەبێت وەک پردێکى متمانەپێکراو و ڕاستگۆبێت لە نێوان خەڵک نەک ترس و دڵەڕاوکێ و بێ متمانەیی

ئازادیی راگەیاندن مافێكی بنەڕەتییە، بەڵام لەگەڵ ئەو مافەدا بەرپرسیارێتییەكی گەورەش هەیە. ئەو دەزگایەی ئەم بەرپرسیارێتییە بە باشی جێبەجێ بكات، خزمەت بە كۆمەڵگە دەكات؛ بەڵام ئەوەی راگەیاندن بكاتە ئامرازێك بۆ زیادكردنی ترس، دابەشبوون و كێشە، لە ئەركی پیرۆزی راگەیاندن دوور كەوتووەتەوە.

كوردستان زیاتر لە هەر كاتێك پێویستی بە راگەیاندنێكی پیشەیی، بەرپرسیار، دادپەروەر و ڕاستگۆ هەیە؛ راگەیاندنێك كە لە كاتی تەنگانەدا لەگەڵ كۆمەڵگە بێت و بە هێمنی و هۆشیاری، ڕێگەی دەرچوون لە قەیران پێشان بدات، نەك قەیرانەكە گەورەتر بكات.