رۆژی 16ی ئاب، 80 ساڵ بەسەر دامەزراندنی پارتی دیموکراتی کوردستاندا تێدەپەڕێت کە لە ساڵی 1946 بە سەرکردایەتیی مەلا مستەفای بارزانی دامەزرا، تا ئێستا سەرەڕای سەدان کۆسپ و تەگەرە و پیلانی نێوخۆیی و نێودەوڵەتی و جیهانی، پارتی وێڕای وەدیهێنانی سەدان دەستكەوتی گرنگ بۆ كورد و گوردستانییان، سەرباری قوربانیدانی گەورە، هەر لەسەر پێی خۆیەتی و ڕۆژ بەڕۆژ و ساڵ دوای ساڵ لە گەشەکردن و گەیشتن بە لوتکەدایە و لە هەموو هەڵبژاردنێكدا دەنگەكانی زیاد دەكەن.
بەپێچەوانەوە دەبینین چەندین حزب دروست بوونە و بە تێپەڕینی کات لاپەڕەیەکیان لە مێژووی گەلەکەمان نەنەخشاندووە، بەڵام دەبینین پارتی لە گەشەی بەردەوام و گەیشتن بە لوتکەی کوردایەتیدایە و دوا هەڵبژاردنی پەرلەمانی کوردستانیش شاهیدی ئەو سەروەرییەیە، ئەمەش بۆ ئەوە دەگەڕێتەوە کە سەرکردەیەک ئەو حزبە بەڕێوە دەبات کە سیمبولی کوردایەتییە و هەر ئاواش دەمێنێتەوە، هەروەها پارتی خاوەن جەماوەرێكی دڵسۆز و تینوو بە سەربەخۆیی و سەرفرازییە.
پارتی دیموکراتی کوردستان، سەرەتا بە ناوی پارتی دیموکراتی کورد دامەزرا، پاشان لە کۆنگرەی سێیەم کە لە 26/1/1953 لە شاری کەرکووک بەسترا ناوی گۆڕرا بۆ پارتی دیموکراتی کوردستان، ئەم پارتە لە سەرەتاوە مستەفا بارزانی ڕابەرایەتیی دەکرد تا ساڵی 1979 كە ئەم ڕابەرە مەزنە کۆچی دوایی کرد و سەرۆک مەسعود بارزانی بە سەرۆکی پارتی هەڵبژێردرا.
پارتی لەنێوان ساڵانی 1946 تا 2011 سێزدە کۆنگرەی بەستووە، لەوانە چوار کۆنگرەی لە بەغدا و چوار کۆنگرەی لە ناوچە جیاوازەکانی کوردستانی باشوور و دوو کۆنگرەی لە ڕۆژهەڵاتی کوردستان و سێ کۆنگرەشی لە هەولێری پایتەختی هەرێمی کوردستان بەستووە.
80 ساڵە پارتی دیموكراتی كوردستان لە خەباتێکی بەردەوامدایە لەپێناو مافێكی شایستە و وەدیهێنانی خەونێكی لەمێژینەی گەلی كوردستان، بێ وەستان و بێ پاشگەزبوونەوە لە خەبات بەردەوامە. بۆیە لەم یادەدا، یادی دامەزراندنی پارتی دیموکراتی کوردستان، سەری ڕێز و نەوازش بۆ شەهیدە سەربەرزەکان دادەنوێنم و سڵاو بۆ سەرۆك و رێبور مەرجعی سەرۆک بارزانی