ئەگەرچی نووستنی شەوانە لەبەر پانکە بۆ گەلێک کەس یارمەتیدەرە بۆ خەوێکی ئارام، بەڵام پێویستە کە بە لایەنە نەرێنییەکانی ئاشنا بن. لایەنە نەرێنیەکان: گیرانی لووت لەوکاتەی کە بای پانکە دەبێتە ھۆی وشکبوونی ناوپۆشی لووت و دەم و قوڕگ، ئەمەش ھاندەرە بۆ زیاد دەردانی لیک و دەردراوی لووت کە ھۆکارە بۆ سەرئێشە، کڕانەوەی قوڕگ، لەوانەشە پرخە پەیدابکات، پاشان وشکبوونی چاو و پێست، ئازاری ماسوولکەکان، ھەروەھا دروستبوونی ھەستەوەری، چونکە ھەوای سووڕاوی پانکە گەرد و تۆزی ناوماڵ پەرت دەکات و لەکاتی ھەڵمژینان ھەستەوەری پەیدا دەکات بە شێوەی زیادبوونی دەردراوی لووت، خورشتی قوڕگ، پژمین، زیاد فرمێسککردن، لەگەڵ گرفت یان ناڕەحەتی لە ھەناسەدا. ڕێنمایی: خواردنەوەی بڕێکی باشی ئاو پێش خەوتن، بەکارھێنانی ئامێری شێدارکەرەوە Humidifier، بەکارھێنانی ئاوێتەیەکی شێدارکردنەوەی پێست Moisturizing و دڵۆپی تەڕکردنی چاوەکان، ھەروەھا وا باشترە کە پانکە ٦٠-٩٠ سم دووربێت و ئاراستەی بای پانکە ڕاستەوخۆ نەبێت و پانکە بسووڕێت، لەگەڵ پاککردنەوەی پەروانەکانی پانکە.