كونسوڵی گشتی ئیتالیا لە هەولێر پێشوازی لە هونەرمەند و نووسەر (حەمە هاشم) دەکات و چالاکییە هونەرییەکانی بەرز دەنرخێنێت
ئەمڕۆ پێنجشەممە ڕێكەوتی 4/6/2026 لە هەنگاوێکی گرنگدا کە نیشانەی ڕێز و بایەخدانە بە هونەر و کەلتووری کوردی, كونسوڵی گشتی ئیتالیا لە هەولێر پێشوازی لە هونەرمەند و نووسەری ناسراوی کورد حەمە هاشم کرد.
لە پێگەی فەرمی خۆی لە تۆڕی کۆمەڵایەتی ئێکس,كونسوڵی گشتی ئیتالیا خۆشحاڵی خۆی بۆ دیداری هونەرمەندی شێوەکار حەمە هاشم دەربڕی و بە "مایسترۆ و هونەرمەند" ناوی برد,ئەمەش نیشانەی ڕێزێکی زۆر و بەرزنرخاندنی پێگە و توانای هونەریی حەمە هاشمە,تەوەری سەرەکی دیدارەکە,پیرۆزبایی كونسوڵ بوو بۆ حەمە هاشم بەبۆنەی بڵاوبوونەوەی کتێبە هونەرییەکانی بە زمانی کوردی,کە تایبەتە بە ژیان و بەرهەمەکانی هونەرمەندانی جیهانی بەتایبەتی پەیکەرسازی گەورەی ئیتالی "میکێل ئانجێلۆ".
كونسوڵی گشتی ئیتالیا ئەم کتێبە نوێیەی وەك "دەستپێشخەرییەکی کلتووریی گرنگ" وەسف کرد,ئەو وتی کە ئەم کتێبە "بەشدارە لە بڵاوکردنەوەی میراتی هونەریی نەبڕاوەی ئیتالیا" و لە هەمان کاتدا,هاوکارە بۆ "بەرەوپێشبردنی زمان و کلتووری کوردی.
هەروەها بەڕێز ( تۆماس سانسۆن) كونسوڵی گشتی ئیتالیا لە هەولێر پشتگیری خۆی بۆ پڕۆژەی هاوبەش و داهاتووی هونەرمەند ( حەمە هاشم) دەربڕی.
