ئەڤە ل دەمەکی دایە چاڤێن جیهانێ لسەر مێزا دانوستاندنێن ئەمریکا و ئیرانێ یە و هەروەها ئەگەرێن نەگەهشتن ب رێککەفتنێ رۆژ ب رۆژ زێدەتر دبن و وەکی یا دیار ئەڤ ململانێیە ب تنێ کێشەیەکا دبلۆماسی نینە بەلکو بۆ مە وەک کوردێن هەرێما کوردستانێ و کوردێن رۆژهەلاتێ کوردستانێ بابەتێ مان و نەمانێ و سەقامگیریێ یە و نەگەهشتنا ڤان هەردوو زلهێزان ب چ ئەنجامان دێ لایەنێن ژیانا مە ب ڤی ڕەنگی هێتە گوهۆرین:
١.لایەنێ سەربازی و ئەمنی: هەرێم وەک مەیدانا شەڕیە ئەگەر ئەمریکا و ئیران نەگەهنە رێککەفتنێ تاران دێ هەول دەت فشارێن خۆ ل سەر واشنتۆن زێدە کەت هەوژی هێرشکرنە لسەر هەڤپەیمانێن ئەمریکا و کونسلخانە و کوشتنا دبلوماسێن وانە ل عیراقێ و هەرێما کوردستانێ .
هەروەها هەرێما کوردستانێ دێ ئێکەم قوربانی بیت هەوژی دووبارەکرنا هێرشێن موشەکی و درۆنی بۆ سەر هەولێر و دەوروبەرێن وێ ب بهانەیا هەبوونا بارەگایێن موساد و ئەمریکا و دێ گروپێن چەکدار یێن نێزیکی ئیرانێ زێدەتر بنکەیێن ئەمریکا ل هەرێمێ کەتە ئامانج ئەڤە ژی دێ ترسا شەڕەکێ مەزن و بێ ئارمانج بیت دناڤ ئاخا هەرێما کوردستانێ.
لایەنێ ئابووری: برسی کرن و سزایێن دژوار لسەر .٢
ئابووریا هەرێما کوردستانێ و رۆژهەلاتێ کوردستانێ ژبەرکو بەشەك ژ ئابووریا هەرێما کوردستانێ ب ئیرانێ ڤە گرێدایە .
هەروەها دێ ل رۆژهەلاتێ کوردستانێ ژی سزایێن ئابووری دێ زێدە کەت و دێ بهایێ تمەنی پتر داکەڤیت و گرانی دێ گەهیتە ئاستەکێ کو خەلکێ هەژار نەشێت پێدڤیێن سەرەکی یێن ژیانێ بخوە دابین کەن .
هەروەها هەرێما کوردستانێ ژی بازرگانیا لسەر سنووری دێ تووشی ئاستەنگیێن مەزن بیت و دێ
بەغدا ژی فشارێن خوە لسەر نەهنارتنا بودجەی و نە هناردەکرنا نەفتا هەرێمێ زێدەتر لێ کەت دا کو هەرێم لاواز کەت.
٣.لایەنێ سیاسی و جڤاکی : فشار ل سەر ناسناما کوردی نەگەهشتنا ب رێککەفتنێ واتا توندتربوونا دەستهەلاتێ ل ناڤخۆیا ئیرانێ .
هەروەها دێ ل رۆژهەلاتێ کوردستانێ ژی فشارێ لسەر چالاکڤانێن سیاسی و سڤیل پەیداکەت و ئیران چ جاران دێ دژوارتر سەرەدەریێ دگەل وان کەت و دەولەت ژی دێ ب چاڤەکێ ئەمنی یێ توند ل هەر بزاڤەکا کوردی نێریت و هەروەها نەرێکەفتن دێ پارچەبوونەکا ناڤخۆیی ل هەرێما کوردستانێ زێدەکەت و دێ هندەک لایەن بەر ب تارانێ ڤە چن و هندەک بەر ب واشنتۆنێ ڤە چن و ئەڤە ژی دێ ئێکگرتنا هەرێمێ وەک قەوارەیەکێ سیاسی ئێخیتە د مەترسیێ دا.
٤.ئاوارەیی و کۆچبەر بوون:
خەلکێ رۆژهەلاتێ کوردستانێ ژبەر نەبوونا ئازادی و تێکچوونا بارێ ئابووری دێ نەچار بن ب رەنگەکێ زێدەتر بەر ب هەرێما کوردستانێ ڤە یان ژی وەلاتێن رۆژئاڤا کۆچ بکەن و ئەڤە ژی دێ بارەکێ گران ئێخیتە سەر شیانێن حکومەتا هەرێمێ و ئەڤە ژی دەمەکێ دایە هندەک كێشە لسەر بودجەی و نەفتێ دناڤبەرا بەغدا هەرێمی دا هەنە .
ئەنجام
نەگەهشتنا ئەمریکا و ئیرانێ ب رێککەفتنێ واتا بەردەوامبوونا شەڕێ سارە هەر گاڤەکێ دبیتە شەڕێ گەرم و وەکی یا دیار کوردێن هەرێمێ و رۆژهەلاتێ د ناڤ جەرگێ ڤی ئاگرێ دانە و تاکە ڕێ بۆ خۆپاراستنێ دژی ڤان ‌هێرشان پێدڤی ب هەبوونا ناڤمالەکا رێکخستی هەیە ل هەرێما کوردستانێ و پێدڤیە هشیاریا سیاسی ل رۆژهەلاتێ کوردستانێ بهێتە ئەنجامدان دا کو نەبینە ئامرازەك بۆ بەرژەوەندیێن دەولەتێن زلهێز.