فەرماندەیی ناوەندیی ئەمریکا (CENTCOM) کۆتایی هاتنی مانۆڕی هاوبەشی دژە تیرۆری وڵاتەکەی لەگەڵ پاکستان ڕاگەیاند.

فەرماندەیی ناوەندیی ئەمریکا (CENTCOM) کۆتایی هاتنی مانۆڕی هاوبەشی دژە تیرۆری ئەمریکا و پاکستانی ڕاگەیاند و ڕایگەیاند کە مانۆڕەکە لە ناوەندی نیشتمانی بەرەنگاربوونەوەی تیرۆری پاکستان بەڕێوەچووە.

سێنتکۆم ڕایگەیاندووە کە ئەم جۆرە مانۆڕانە پەیوەندییە درێژخایەنەکانی بەرگری ئەمریکا و پاکستان بەهێز دەکەن.

فەرماندەیی ناوەندیی ئەمریکا وێنەی مانۆڕی هاوبەشی نێوان هێزە سەربازییەکانی ئەمریکا و پاکستانی لەسەر ئێکس بڵاوکردەوە.

سێنتکۆم ئاماژەی بەوەشکردووە، مانۆڕەکە تیشکی خستۆتە سەر لێهاتوویی و تاکتیکی پیادەی پێکەوەیی و ئۆپەراسیۆنەکانی بەرەنگاربوونەوەی تیرۆر.

ساڵی ڕابردوو لە خەیبەر پختونخوا مەشقێکی هاوبەشی هاوشێوە ئەنجامدرا.

پاکستان دەڵێ ئامانج لەم مانۆڕە  بەرزکردنەوەی ئاستی هاوکاری و هەماهەنگی نێوان هێزە سەربازییەکانی پاکستان و ئەمریکایە لە شەڕی دژی تیرۆر.

 

 

 

گوڵان: سەردار خەلیل