بەهۆی تەقەکردن لە یانەیەکی شەوانە سێ كەس کوژران و هەشت كەس بریندار بوون
پۆلیسی ئەمریکا ڕایگەیاند، بەهۆی تەقەکردن لە یانەیەکی شەوانە لە ویلایەتی کارۆلینای باکووری ئەمریکا، سێ کەس کوژراون و هەشت کەسی دیکەش برینداربوون.
بەپێی هەواڵێکی کەناڵی سی ئێن ئێن، چەکدارێک بە بەلەمێکەوە هێرشی کردووەتە سەر یانەیەکی شەوانە لەسەر ڕووباری کیپ فیر لە شاری ساوت پۆرت و بەهۆیەوە سێ کەس کوژراون و هەشت کەسی دیکەش برینداربوون.
چی ئان کێچوم وتەبێژی ئەنجومەنی شارۆچکەی ساوت پۆرت ڕایگەیاند، کەسێک دەستگیرکراوە و لە پەیوەندی لەگەڵ تەقەکردنەکەدا لێپرسینەوەی لەگەڵ دەکرێت.
گوڵان: سەردار خەلیل
