ئەڤا حکومەتا عیراقێ، لهەمبەری خەلکێ کوردستانێ دکەت، نە یانوکەیە و کەڤن و ڕیشەییە و ناهێتە بنبڕکرن، چونکی هندی کەس و سەرچاڤێن وان ژی بهێنە گوهۆڕین چ ناهێتە کرن، دڤێت سیستەمەک دوکمەن و پاراستنا یاسایی و دەستووری بهێتە دانان و پەیڕەوکرن بۆ هندێ کو مافێ چ کەسان نەهێتە خوارن و نەک وەکی نوکە کو ل عیراقێ گروپین میلیشیانی بووینە ئەگەرێ ڕێگری کرن ژ دەستکەفت و پاراستنا نەتەوەیی و ئاخا وێ، هەردەم وان کار کریە بۆ تێکدان و تیرۆرکرنێ ل ناڤەندێن جودا جودا، دهێتە زانین کو هەتا وانا کۆنترۆلا زۆر تشتان کریە ل حکومەتا ناڤی، ئەمریکا، ژی دڤێت و کار دکەت ژی بۆ دەرکرن و دانان و ژناڤبڕنا وان ل ناڤا ئاخێ عیراقێ بوویە و هندێ کو دەڤەر ب تەمامی بهێتە پاکژکرن و ببیتە دەولەتەک ئارام و خۆشی وەک ئەزموونێن وەلاتێن دیتر یێن عەرەبی.

دنوکە دا هەرێما کوردستانێ، ب سایەیا حکومەتا هەرێمێ و وجودا، سەرۆک و ڕێبەرێ کورد و کوردستانێ، سەرۆک بارزانی، بوویە جهەک گرنگ و ستراتیژی بۆ ئەمریکا و وەلاتێن دیتر، کو ڕۆژانە کۆنسۆل و خەلکێ وانا سەرەدانا هەرێمێ دکەن و کۆمپانیێن زێدەتر سەرەدانا کوردستانێ دکەن.

ئەگەر ڕاوەستاندنەکێ بۆ پتریا وان دەولەت و جهانە بکەین یێن گرووپێن ب سەر ئیران و شیعە، ل وان جهانە هەبن و پێگەهێ وان بهێز بیت، بووینە ئەگەرێ تێکدانا وێ دەولەتێ و ناهێلن بخۆ کاربکەن و ئارامی و پاراستنا ئاسایشا وان. ئیسرائیل، بەردەوام کار دکەت بۆ نەهێلانا ماددەیی ئەتۆمی و ناڤبڕنا وان.

ژ بەرهندێ ژی کو ئەڤا نوکە ل هەرێمێ دهێتە کرن سیاسییە و نەک یاساییە، لایەنێن شیعە بەردەوام کار بۆ لاوازکرنا پێگەه و ناڤێ کوردستانێ دکەت، بەلێ خۆشبەختانە کورستان ژ ڕویێ پیشکەفتن و ئاڤەدانیێ و ئارامیێ بەرەڤ باشتر بوونێ چوویە و کار ل سەر جارەسەرکرنا ڤەدیتنەکا بنەرەت بۆ نەبوونا کێماسییا کارەبێ و ئاڤێ، وەک نموونە بووینە بەردەوام.

ئاریشا هەرێمێ و بەغدا هاتیە ڕەوانەکرن بۆ جڤاتا دەولەتێ، بۆ هندێ بڕیارەک داوی ل سەر پڕسا مووچە و مووچەێن کوردستانێ بدەن بۆ هندێ خەلکێ هەرێمێ ژی ژ ڤێ چەندێ بهێنە ڕزگارکرن. و ئەڤە ئێکەم جارە ئاریشا ناڤبەرا بەغدا و هەرێم دهێتە ڕەەانەکرن بۆ جڤاتا دەولەتێ و ئەو ژی ڤێ پرسێ چارە بکەت و بڕیارەکا ئێکلاکەر بدەت د بەرژەوەندییا هەردوولایاندا.

لێ هەتا نوکە وەکی دیار و ئاشکرا کو مووچەیێن هەیڤێن حەفت و هەشت نەدیارە و چاڤێ خەلکی ژی لێیە کو ڕێیەکا سەرەکی ببین بۆ هندێ ڤێ پرسێ ب هەڵاواستی نەهێلن. بەلێ وەکی ل دەستپێکێ ژی مە ئاماژە دایە هندێ کو ئەڤ ئاریشە سیاسیینە و نەک یاسایینە.