(*)

بۆرینا ٤۲ سالان ل سەر جینۆسایدكرنا ٨۰۰۰ هەشت هزار بارزانیێن بێتاوان ژلایێ رژێما بەعس ڤە، هەر ژ کەڤندا و هەتا نۆکە پتریا جاران کورد و کوردستان ل گەل ئێراقا شوڤینێ نینە، نموونە ژی ئەنفال و کیمیا باران و جینۆسایدکرن و عەرەبکرن یا سەلماندی و جینۆسایدكرنا هەشت هزار بارزانییان و بێ جیاوازی د ناڤبەرا پیڕو جوان و ساغ و نەخۆش و پەككەفتی و گەنج و زەلام ئافرەتان دا ئێك ژ مەزنترین كارەساتا و تراژیدیای و هێرشێن هۆڤانە یێن مرۆڤایەتی بوویە، بۆ مە دیرۆکەکا هەڤچەرخ بوو كو بەرامبەر میللەتێ كورد ب گشتی و بارزانیان بەتایبەتی هاتییە کرن، ئەو ژی ژبەر هندێ کو بارزانی و كوردبوون، ‌ئەڤ جینۆسـایدا ھۆڤانە یا رژێما بەعس و بەرزەکرن و زیندانکرا و کوشتنا ب کۆم، هەمبەری کەسێن بێگۆنەهـ و بێ دەستھەلات یێن بارزانیان ئەنجامدای، برینەکا کویرە و ھەر وەکی سەرۆك مسعود بارزانی گوتی " ئەڤە زنجیرەیەك بوو ژ زنجیرەیەکا تاوانێن مەزن هەمبەری گەلێ کۆردستانێ.

هەروەسا وەك بێ سەروشوینکرنا ۱۲۰۰۰ کۆردێن فەیلی، کێمیا بارانکرنا حەلەبچە و چەندیین جهێن دی یێن کۆردستانێ زیندانکرن و بەرزەکرنا زۆر کوردان دیسا شەھیدێن کورد و بارزانی ناسناما خەبات ماندوونەناسن و قۆربانیێن وان بەرێ بنیاتێ رێکا بەر ب سەرخوەبوونێ یە و موکمکرنا ئیرادە و ھێزێ بۆ بەردەوامیدانێ ب خەبات و رێبازا پیرۆز. ئەنفالا بارزانیا برینەکا کویرە کو چ جاران ناهێتە ژبیرکرن و چونکی کارەساتەکا دژی مرۆڤایەتیێ هاتە ئەنجامدان.

و نها دا ئەڤا کو نوکە ل هەرێما کوردستانێ ب دەستڤەهاتی، ب هەبوونا خۆڕاگریێ و ماندیبوونا خەلکێ ئەڤێ ھەرێمێ یە کو سەدەهان سالان، خوە نەداینە پاش و ب درێژیا دیرۆکێ دوژمنێن گەلێ کورد هەمی رێک بکارئیناینە ژبۆ ژناڤبرنا نفشێ مللەتێ کورد و ئەنفالا بارزان ئێك ژ وان نموونەیانە، بیرکرن د رویدانەکا ب ئەڤی شێوەیێ هۆڤانە دا ناخێ مروڤایەتیێ دهەژینیت، گەلێ کورد قوربانیێن کورد و عەقلیەتا چەپەل یا رژێما بەعسی و ئەنفالا بارزانیان وەکو وان تاوانێن دژی هەموو گەلێ کوردبوون، کو هزر و عەقلی رژێما چەپەل یا ئیراقێ دڤیان کوردو گەلێ کورد هەر نەمینن و ب ئێكجاری بهێن ژناڤببەن.

بەلێ گەلێ کورد بهێز و ئیرادەیەکا خۆراگر شیاینە، دیسا خۆڕاگر بن بەرامبەری داگیرکەران و رژێما بەعس، ئەڤ خۆراگریا خوە پاراستی یە و ل دوماهیێ ماندوبوون و قوربانیێن زۆر خەلکێ کوردستانێ ب گیان و خوینێ ئەڤ ھەرێمە هاتیە پاراستیە، و نۆکە ژی ب زۆر ھەول و پلانێن دوژمنان و ھەر ژیان و ل ڤێ هەرێما کوردستانێ یا بەردەوامە بەر ب ئەزموون و دەستکەفتێن باشتر ڤە دچیت.

 

(*)

چالاکڤان