نانسی عەجرەم یەكێكە لە هونەرمەندە سەركەوتووەكان، یەكێكە لەو هونەرمەندانەی متمانەی بەخۆی هەیە، ئەو پێیوایە بەهێزكردن بریتییە لە گەشەكردن.

 دەربارەی گرنگی ئەوەی ئافرەت بەهێز و خاوەن پێگە بێت نانسی دەڵێت: «ئافرەت خاوەن پێگەیە، كەسێكە كە خۆی بە باشی دەناسێت، متمانەی بە خۆی هەیە، دەزانێت چی لە ژیان دەوێت و هەوڵ بۆ چی دەدات، بڕیارەكانی زۆربەی كات دروستن بەهۆی ئەو ئەزموونەی كە بە درێژایی ساڵان بەدەستی هێناوە، ئەو ئافرەتێكی ڕاستەقینە و ڕاستگۆیە و ناتوانێت ڕاستگۆ بێت ئەگەر بەهێز نەبێت، بێ گوێدانە ئەوەی كە خەڵك حەزیان لە ڕاستگۆییەكەی بێت یان نا».

دواتر تیشك دەخاتە سەر ئەو شتانەی لێیان دەترسێت و دەڵێت: «من كەسێكی ئەرێنیم، بەڵام هەست بە نیگەرانیی بەردەوام دەكەم بەرامبەر بە داهاتوو، هەمیشە بیر دەكەمەوە « سبەی چۆن دەبێت؟» هەروەها لە نەخۆشی دەترسم و هەندێك جار بیرۆكەی ناخۆش زاڵ دەبن بەسەرمدا، بۆیە هەوڵ دەدەم بە خێرایی خۆمی لێ دەرباز بكەم و بگەڕێمەوە بۆ سرووشتی خۆم».

نانسی بەو شێوەیە وەسفی خۆی دەكات، دەڵێت: «من ئافرەتێكی جوانم، بەهێزم، سۆزدارم، میهرەبانم، زیرەكم، و باوەڕدارم، متمانەم بە خۆم و بە تواناكانم هەیە، و باوەڕم وایە هەموو ئەوەی بەدەستم هێناوە ڕێكەوت نەبووە، بەڵكو بە هەوڵ و كۆششی خۆم بووە».