پەیامەک بو قەیس حەز عەلی
_کەسێن بچویک و بێ دەسهەلات هەردەم د بن لنگێن مەزنان دا دهێنە پێپەسکرن،
_گورگێن دەڤ ب خوین حوکمداریا ڕاست دکەن و سیاسەتێ دگێڕن ب رێکێن نە دروست...

_ئەوێن هەڕەشە دکەن وەکی کەلاغان تەنێ قاڕەقاڕا وانە، کارێ وان تەنێ خۆنیشاندان و قیژی و قاژیە. وەکی قازاوعەلوکانە و ئاستێ سیاسەتکرنا وان ژ دەنگڤەدانا شکەفتەکێ نە پترە،

"خویشک و برایێن هێژا،

ئەڤرۆ، ل بەر سیبەرا گوهۆڕینێن مەزن یێن ل دەڤەرا مە، پێدڤیە ئەم ب هشیاری و وریایی ل رەوشا سیاسی یا عێراقێ بنێڕین.

ل عێراقێ، دیمەنێ سیاسی یێ ئالۆزە. بازێن سیاسەتێ، ب شێوەیەکێ نهێنی و ڤەشارتی، کارێن خۆ دکەن.
_ ئەڤ یەکە دبیتە ئەگەرێ هندێ کو گەلەک جاران خەلک نەشارەزا ب راستی چ دقەومیت د ناڤ کۆریدۆرێن دەستهەلاتێ دا.

د ڤێ سیستەمێ دا، کەسێن بچویک و بێ دەستهەلات، نەخاسمە ئەوێن ژ کەمینەیان، هەردەم د بن لنگێن مەزنان دا دهێنە پێپەسکرن.مافێن وان دهێنە پشتگوهـ ئێخستن و دەنگێ وان ناهێتە بهیستن. ئەڤ یەکە دژی پرەنسیپێن دیموکراسیێ و دادپەروەریێ یە کو مە سۆز دابوو پێ رابین پشتی روخاندنا رژێما بەعس.

د هەمان دەم دا، هندەک هێز هەنە کو ب شێوەیەکێ هۆڤانە دەستهەلاتێ دگرن. ئەڤ 'گورگێن دەڤ ب خوین' حوکمداریا راست دکەن و سیاسەتێ دگێڕن ب رێکێن نە دروست ژ کو مەکا فەلیتەنە حكمی ل دەستهەلاتا عێراقێ دکەن . ئەو ب زۆرداری و گەندەلیێ خۆ ل سەر کورسیێن دەستهەلاتێ دپارێزن، بێ کو گوهـ بدەنە پێدڤیێن گەلی و پێشڤەچوونا وەلاتی.

ژ لایەکێ دی ڤە، هندەک گروپ و کەس هەنە کو هەڕەشەیێن مەزن دکەن، لێ د راستیێ دا کارێن وان ژ دەنگڤەدانەکێ بێتر نینە. وەکی کەلاغان، دەنگێ وان بلندە لێ کریارێن وان کێمن. کارێ وان تەنێ خۆنیشاندان و قیژی و قاژیە وان وەکی قازاوعەلوکانە ، بێی کو تشتەکێ بکەن.

_لێ دگەل ڤێ یەکێ ژی، دڤێت ئەم ژبیر نەکەین کو هەرێما کوردستانێ د ناڤ دەڤەرەکا نەسەقامگیر دا یە و رەوشا ئێراقێ و دەڤەرێ گەلەک مەترسی ل سەر . دڤێت لایەنێن ئوپۆزیسیۆن پێداچون د سیاسەتا خودا بکەن بە شداری کومبونێ لایەنێن سیاسی دا بکەن ئەڤە دبیتە ئەگەرێ هندێ کو هێزێن سیاسی یێن کوردی کو یەکگرتی بمینن، سەرەڕای ناکۆکیێن خۆ یێن ناڤخۆیی.

_ئاخفتنێت قەیس خەزعەلی ل سەر هەرێما کوردستانێ نیشانا تەنگاڤبوونا رەوشا سیاسی یا عێراقێ نە. ئەڤ جۆرە گوتارێن توند بیت بیتە ئەگەرێ زێدەبوونا ئالۆزیان...

دڤێت هەرێم هەڤپەیمانیێن خۆ یێن ناڤخۆیی و نێڤدەولەتی بکاربینیت دا کو فشارێ ل سەر لایەنێن توندرەو یێن عێراقێ چێبکەت. لایەنێن توندڕەو ژسەرکردێن وان ژ کومەکا فەلیتەنە حكومرانێ ل عێراقێ دکەن

د هەمان دەم دا، گرنگە کو هەرێم خۆ ژ هەر کریارەکا پرۆڤۆکاتیڤ دویر بێخیت و هەول بدەت کو رێکێن دیالۆگ و چارەسەریێن ئاشتیانە بکاربینیت. پێدڤی یە کو هەرێم بەردەوام گرنگیێ بدەتە پاراستناسەقامگیریێ و ئەمنیەتێ، نە تەنێ بۆ خۆ، لێ بۆ هەمی عێراقێ ژی.

هەروەسا، دڤێت هەرێم هەول بدەت کو پشتەڤانیا جڤاکا نێڤدەولەتی بۆ مافێن خۆ یێن دەستووری بدەستڤە بینیت و گرنگیا رۆلێ خۆ د شەڕێ دژی تیرۆرێ دا دیار بکەت ئەڤ یەکە دێ هاریکاریا هەرێمێ کەت

_هەردیسان ئەڤ رەوش دیار دکەت کو پێدڤی یە هەرێما کوردستانێ و حکومەتا فیدرال یا عێراقێ پێکڤە کار بکەن دا کو چارەسەریەکا درێژخایەن بۆ ناکۆکیێن خۆ پەیدا بکەن و یەکگرتنا عێراقێ بپارێزیت

د داویێ دا، دڤێت ئەم بێژین کو رەوشا سیاسی یا عێراقێ گەلەک ئالۆزە نابێت ئێراق بەرەکی دی شەری دروست بکە مەبەست بەری کورد و پێدڤی ب چارەسەریێن نوی و بیرەکا ڤەکری هەیە. پێدڤی یە کو هەمی لایەن یەک بگرن. ئێراق دیربێخێن ل شەرێ دهێتە رودان ل دەڤەرێ ئەڤە دێ بیتە ئەگەرێ سەقامگیری ئێراقێ و دەڤەرێ گشتی.

(*

پارێزەر و راوێژکاری یاسایی